سەربۆرا وی یا ئێكێ یە د وارێ دەرهێنانێ دا
هیڤی كەریم:
ئەكتەرێ گەنج (رەیان رەمزی ئادەم) د دیدارەكێ بۆ رۆژنامەیا گۆت: دژیەكێ بچووكدا من حەزژ كارێ ئەكتەریێ دكر، لەورا ئەز چوومە پشكا شانۆیێ ل پەیمانگەها هونەرێن جوان و من ئەو ب دووماهی ئینا و پاشان چوومە ل كولیژا هونەرێن و نوكە قوتابیمە ل قوناغا دووماهیێ و ئەڤە نەه سالن د بۆارێ هونەری دا كاردكەم.
هەروەسا گۆت: بۆ ئەڤ سالە پرۆژێ من یێ دەرچۆنێ دێ بۆ دەرهێنەریێ بیت بۆ شانۆگەریەكێ و ئەڤە دێ پێنگاڤا من یا ئێكێ بیت د بۆارێ دەرهێنانێ دا، بۆ زانین پتری دەه كارێن شانۆیێ من ئەنجامداینە، ژبلی سینەما و درامایێ، هەروەسا وەك ماموستا ژی من وانەیێن تایبەت بۆ قوتابیان گۆتینە، هەروەسا من سێ پەرتووك ژی چاپكرینە كو ل سەر رۆمان و كورتە چیرۆكێ بوون و نوكە ل سەر پەرتووكا چارێ كاردكەم و ل دووماهیا ڤێ سالێ ئەو ژی دێ كەڤیتە بەردەستێن خواندەڤانان، بۆ زانین من چەندین خەلات دبۆارێ نڤیسینێ دا وەرگرتینە، هەروەسا د ئەڤ سالەدا من پرۆژەیەك ب ناڤێ (پێشەنگ) چێكریە و ئەڤ سالە دێ بەریكانا خوە یا ئێكێ كو گرێدای ئەدەب و هونەرێ كوردی نە ئەنجام دەت.
