سەربەست لەزگین: سەركەفتنا پارتی د هەلبژارتنان دا ب دەستڤەئینانا دەستكەفتێن پترە

ئامێدیێ، مەحمود نهێلی:

سەربەست لەزگین، بەرپرسێ مەكتەبا رێكخستنا پارێزگەها دهۆكێ یا یارتی، دوهی ل هاڤینگەها ئێنیشكێ ل ناوچەداریا سەرسنكێ و ب بەرهەڤبوونا بەرەڤان حەمدی بەرپرسێ لقێ هەژدە یێ پارتی و وارشین،سەلمان دەڤەردارێ ئامێدیێ ل گەل هژمارەكا موختار و ریهسپی و كەسایەتیێن دەڤەرێ بەحس ل رەوشا دەڤەرێ ب گشتی و قۆناغا داهاتی و پڕۆژە و خزمەتگوزارییان و كارنامەیا پارتی بۆ قۆناغێن د دووڤ د ل دەڤەرا ئامێدیێ كر.
ناڤهاتی گۆت: «د ڤان سالێن بۆری دا گەلەك پڕۆژە ل ڤێ دەڤەرێ هاتینە ئەنجامدان، لێ ل چاڤ خزمەت و بەرخودان و خوەراگریا خەلكێ دەڤەرێ یا كێمە، ژ بەر وێ یەكێ ئەم چاڤەرێ نە پڕۆژێن باشتر و ستراتیژی ل ڤێ دەڤەرێ ئەنجام بدەین».
ل دۆر پرۆسێسا هەلبژارتنان ژی سەربەست گۆت: «سەركەفتنا پارتی د هەلبژارتنان دا سەركەفتنا گەلێ كوردە و پاراستنا قەوارێ هەرێما كوردستانێ و ب دەستڤەئینانا دەستكەفتێن پترە».

کۆمێنتا تە