سەربەست لەزگین سەرەدانا یانه‌یا دهۆكێ كر
سالار محەمەد:
ب مه‌ره‌ما پیرۆزباهییان ل چارشه‌مبییا بۆری سەربەست لەزگین ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهوكێ ب یاوەریا به‌رێزان سەباح بەیتوللا و شاندەكێ مەكتەبا رێكخستنێ سەڕەدانا بارەگایێ یانه‌یا دهـۆک یا وەڕزشی كر ئه‌وێن ژ لایێ سەرۆك و دەستەیا كارگێریا یانه‌یێ هاتنە پێشوازی كرن .
دڤێ سەرەدانێ دا سەربەست لەزگین و شاندێ پێرا پەیاما پیروزباهیێ گه‌هانده یانه‌یێ ب هـەلكەفتا ب دەستڤەئینانا ناسناڤێ قارەمانیا كۆپا كەنداڤی و پیرۆزباهـیەكا گەرم ل سەرۆک و دەستەیا كارگێری و یارێزانێن یانه‌یا دهـۆک كرن
هەروەسا بەرپرسێ مەكتەبا رێكخستنا پارتی راگەهـاند ئەلهۆیێن چیایا بڤێ سەڕكەفتنا زێرین و ب دەستڤەئینان ناسناڤێ قارەمانیا كۆپا كه‌نداڤی بۆ جارا ئێكێ شیان دیروكێ تۆمار بكەن و سەرێ گەلێ كوردستانێ و ئیراقێ بلند بكەن و ببنە جهـێ شانازیێ و سەربلندیا مە، هەروەسا هیڤیا سەركەفتنێ بۆ یانا دهـۆك خۆاست و پشتەڤانیا خۆ ژی بۆ وانا دوپاتكر.
