سەربەست لەزگین: مە دڤێت حوكمەتەكا ب هێز و خزمەتكار بهێتە دامەزراندن
زاخۆ، دلۆڤان هالۆ:
سەربەست لەزگین، ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهۆكێ، دوهی 27/1/2026 سەرەدانا بارەگەهێ لقێ هەشت یێ پارتی ل زاخۆ كر و ژ لایێ عومەر ئۆرەی، بەرپرسێ لقێ هەشت و كارگێر و كادرێن لقێ ڤە پێشوازی لێ هاتە كرن.
بەرپرسێ مەكتەبا رێكخستنێ د كۆمبوونەكێ دا ل گەل هەژمارەكا زۆر یا كادرێن پارتی ل سنۆرێ لقێ هەشت دووماهی پێشهاتێن سیاسی یێن هەرێمێ و ئیراقێ و دەڤەرێ بەرچاڤكرن و گۆت: «نوكە گرنگترین بزاڤ ئەوە، لایەنێن سەركەفتی د هەلبژارتنان دا ل ئێك نێزیك ببن و حكومەتەكا ب هێز و خزمەتگوزار یا هەرێما كوردستانێ بهێتە دامەزراندن، دیسا پێدڤیە لایەنێن كوردستانی ب ئێكڕێزی بچنە بەغدا، ب تایبەت بۆ پرۆسەیا هەلبژارتنا سەرۆك كۆمارێ ئیراقێ، پارتی هەموو بزاڤان دكەت كورد ل بەغدا ئێك هەلویست بن، داكو پێگەهێ هەرێمێ ل وێرێ یێ ب هێز بیت».
سەربەست لەزگین ل دۆر شەڕ و ئالۆزیێن ڤێ دووماهیێ یێن ل وەلاتێ سووریا و رۆژئاڤایێ كوردستانێ و گۆت :»جەنابێ سەرۆك مەسعود بارزانی و سەركردایەتیا پارتی ب خەمخۆری و هووری ڤە چاڤدێرییا رەوشێ دكەن و هەموو شیان و پەیوەندیێن خوە یێن نێڤدەولەتی ئێخستینە كاری، داكو كورد ل رۆژئاڤا و دەسكەفتێن وان دپاراستی بن».
بەرپرسێ مەكتەبا رێكخستنێ ل دووماهیا كۆمبوونێ دهۆك ئاماژە ب ئەركێ كادرێن پارتی د ڤێ قووناغێ دا كر و گۆت: «دڤێت كادر ببنە پرەكا بهێز د ناڤبەرا جەماوەری و حزبێ دا، د هشیار بن و راستیێن سیاسی بۆ خەلكی رۆهن بكەن، ب هەموو شیانێن خوە خزمەتا وەلاتیان بكەن و پەیاما پیرۆز یا پارتی ب دروستی بگەهینن».
