سەردار سالح: ئەو خەلاتێن یانەیا ئافرەتێن دهۆكێ وەرگرتین ڕێزگرتنە بۆ وەرزشا پارێزگەهێ
ل هەلەبجەیا شەهید یانەیا ئافرەتێن دهۆكێ سێ خەلاتێن باشترینێن سالا 2025ێ لسەر ئاستێ كوردستانێ ب دەستڤە ئینان، د كەرنەڤالەكێ تایبەت دا یێ سالانە ژلایێ قائیممەقامیا باژێرێ هەلەبجە بۆ كۆمەكا وەرزشڤان و كەسانێن ورەزشی ل كوردستانێ دهێتە ڕێكخستن كو تێدا چەند كەسێن وەرزشڤان ژی هاتبوونە خەلاتكرن ل دووڤ وەرگرتنا ئامارێن وان یێن وەرزێ 2025ێ.ل هەلەبجەیا شەهید یانەیا ئافرەتێن دهۆكێ سێ خەلاتێن باشترینێن سالا 2025ێ لسەر ئاستێ كوردستانێ ب دەستڤە ئینان، د كەرنەڤالەكێ تایبەت دا یێ سالانە ژلایێ قائیممەقامیا باژێرێ هەلەبجە بۆ كۆمەكا وەرزشڤان و كەسانێن ورەزشی ل كوردستانێ دهێتە ڕێكخستن كو تێدا چەند كەسێن وەرزشڤان ژی هاتبوونە خەلاتكرن ل دووڤ وەرگرتنا ئامارێن وان یێن وەرزێ 2025ێ.یانەیا ئافرەتێن دهۆكێ بوو خوانا سێ خەلاتێن باشترینێن 2025ێ و بڤی شێوەیی بوون، سەردار سالح وەكو باشترین سەرۆك ل سەر ئاستێ یانەیێن كوردستانی هاتە خەلاتكرن، ئاراز سالح وەكو باشترین ڕاهێنەرێ یارییا فوتسالێ ل سەر ئاستێ كچان، بەهرە دارا محەمەد وەكو باشترین یاریزانا كچ ل سەر ئاستێ یارییا فوتسالێ هاتە خەلاتكرن.ل دۆر ڤێ یەكێ سەردار سالح سەرۆكێ یانەیا ئافرەتێن دهۆكێ بۆ رۆژنامەیا ئەڤرۆ گۆت: پێخوەشحالین وەكو یانەیا پارێزگەهێ سێ خەلاتان ژ هەلەبجەیا شەهید بینە دهۆكێ و ئەڤە ژی دەرئەنجامێ كارێ مە یێ كۆم بوو دناڤبەرا كارگێری، كادرێ راهێنانێ و یاریزانان كو شیایین بۆ سالا دویێ ل دووڤ ئێك ناسناڤێ خولا فوتسالا كوردستانێ ب دەستڤە بینین و ببیتە پرەك بۆ وەرزشڤانێن كچ زێدەتر دەلیڤە بۆ پەیدابیت، پێنەڤێت ئەڤ خەلاتێن هاتینە وەرگرتن ڕێزگرتنە بۆ وەرزشا پارێزگەها دهۆكێ و هەموو وەرزشڤانێن كچ دهێتە هژمارتن و بەلگەیە كو یانەیا ئافرەتێن دهۆكێ د پلانێن خوە دا سەركەڤتی بوویە و ڕژدین باشترین شێوە بۆ خزمەتا وەرزشڤان كچ بەردەوامبین.
