سەركەفتنا ئێكەتیا قوتابیێن كوردستانێ د هەلبژارتنان دا ل تلكێفـێ دەنگڤەدا و بەعسی شکەستن
سالار محەمەد دۆسكی:
2- 5
جارەكێ ل كومبوونەكێ دا ل گەل ئەوان كچان كچەكێ گۆتە من سیدا لێبورینێ ژ تە دخوازین و مە ئاخفتنێت كرێت ل جهەكی گۆتینە تە ب بهانا وێ چەندێ چ شك و هزر نەكەڤنە سەر مە كو ئەم ئەندامێن ئێكەتیا قوتابیێن كوردستانێ نە ول گەل تەینە و ئەفە ژی داهاتەكرن دا پێزانینا وەربگرن و من گۆتێ تشتەك نینە و ئاخفتنا هەر بێژن و من گۆتێ سەدام حسێن 24 دەمژمێرا ئاخفتنا دبێژیتە ئەمریكا و هەمان دەم ل گەل ئەوان دایە، پشتی ماوەكی هەلبژارتن هاتنەكرن ل سەرانسەری ئیراقێ دناڤبەرا ئێكەتیا قوتابیێن كوردستانێ و ئێكەتیا قوتابیێن نشتیمانی سەر ب حزبا بەعس ڤە و ل دەڤەرا مە ژی ب هەمان شێوە هەلبژارتن هاتنە ئەنجامدان و پشتی هاتینە ئەنجامدان ل تلكێفێ ئێكەتیا قوتابیێن كوردستانێ سەركەفتنەكا مەزن ئینا و ئەم شیاین ب سەركەڤین و ل گەل ئەڤی ئەنجامی حزبا بەعس هەست ب شكەستنەكا مەزن كر و ئەفێ سەركەفتنێ دەنگڤەدا ل سەرانسەری نەینەوا و سەركردایەتی یا كوردستانێ و ژ ئەنجامێ ئەڤێ سەركەفتنێ ئەز بوومە سەرۆكێ قوتابیێن تلكێفێ هەمیان و جێگرێ من بوو سەرۆكێ ئێكەتیا قوتابیێن نشتیمانی یێ سەر ب حزبا بەعس ڤە، وی دەمی بیرا من دهێت (عەلی شنگالی) خودێ ژێ رازیبت ل مویسل بوو و (فازل میرانی) ل گەل دا بوو وی دەمی كاك (فازل میرانی) وەك زنجیرەكێ بوو و پەیوەندیا مە ل گەل وی بوو وەك قوتابیان و حزبێ و ل ەل سەركەفتنا مە ل تلكێفێ كو دەنگڤەدایی حزبا بەعس گەلەك عاجز بوو و چوو فەرمانبەرەك ژ وەزارەتا ناڤخوە ئینا كو خەلكێ تلكێفێ بوو و ناڤێ وی (سەلام میخا) بوو و كرە قائیمقامێ تلكێفێ دا كار ل سەر هەلبژارتنێن بهێن بكەت و ئەنجام دبەرژوەندا حزبا بەعس دا بهێتـە گوهورین، پشتی مە هەلبژارتن كرینە ڤە قائیمقامێ تلكێفێ ئەوێ هاتیە دەڤەرێ گەلەك هاتن و چوون كر و بزاڤكرن ئەنجام بهێـنە گوهورین وەك هەلبژارتنێن ئێكێ ئێكەتیا قوتابیێن كوردستانێ ب سەركەنەكەڤیت و هتا چوو دێرا تلكێفێ ژی وی دەمی برایێ وی قەشە بوو ل دێرێ و دڤیا ب سەركەڤن لێ هێز و سەنگا ئێكەتیا قوتابیێن كوردستانێ گەلەك بهێز تر بوو و بۆ جارا دووێ ئەم ب سەركەفتین و ب ئەڤی ئەنجامی گەلەك كەیفا بەرپرسێ لقێ مویسل (عەلی شنگاری) هەڤالێن مە ل سەركردایەتی هات و ئەم بووینە هێزەكا دی و یا گەنج دناڤا حزبێ دا و پتر ب هێز كەفت و بیرا من دهێت (عەلی شنگاری) گۆتە من وەك قوتابیێن تلكێفێ هندەك سەرەدانا بكەن بۆ دەڤەرا وەك هاندان و پشتەڤانی بۆ ئێكەتیا قوتابیێن كوردستانێ و دیسا دا پەیوەندیێن هەوە ژی باشتر لێ بهێن ل گەل خەلكێن هەمی دەڤەران و مە سەرەدانەك دەسپێكر بۆ قەزا زاخو و هاتینە پێشوازیكرن ژلایێ ئێكەتیا قوتابیێن كوردستانێ ڤە ل سنورێ وێ قەزایێ ل نێزیك پرا دەلال هاتینە پێشوازیكرن و خوارنەكا باش بوومە بەرهەڤكر بوو، و دوڤدا مە سەرەدانا تلسقوفێ كر و نێزیكی (10) سەرێن پەزی بوومە سەرژێكرن و ئەم چووینە ئێسفنێ و دیسا ئەم چووینە مویسل و مە هەمی بزاڤكرن پەیوەندیێن مە باشتر لێ بهێن و بهێنە خورتكرن و پشتی ئەفێ سەركەفتنێ ئەز هاتمە راسپاردن ببمە ئەندامێ سكرتاریەتا گشتی یا قوتابیان بارەگا ل بەغدا بوو و دەمێ مەسەرەدانا وێ دكر د. رۆژ نوری شاویس كاك رەنج نوری شاویس ل گەل مە دا بووینە و ئەو كەسێ ل بارەگایی پەیوەندی دناڤبەرا قوتابیان و پارتی دیموكراتی كوردستان هەی كاك (سامی عەبدولرەحمان) بوو خودێ ژێ رازیبت و هەتا نوكە ل وەلاتێ ئەمریكا هندەك جاران ئەڤان بیراهتنا بۆ كچا خودێ ژێ رازی (سامی عەبدولرەحمان) دكەم ئەو دكەتە گری دبێژیت كاك (سادە) تە پتر بابێ من ژ من دیتی یە، پشتی كومبوون مە ل گەل كاك (سامی) ئەنجامدان ل بەغدا هەر جار دا پێكڤە چینە خوارنگەهەكێ و ئەم مەعزومێن وی بووین و هەر دەم ئەز ل تەنشتا وی رونشتمە خوارێ و چ جاران نەهێلا یێ دووری وی بم و بیرا من دهێت جارەكێ (عادل مراد) گۆت حەزدكەم جارەكێ ل تەنشت تە روونمە خوارێ ئەوی گۆت نەخێر سادە دێ ل تەنشت من بیت، و ئێك ژ خالێن سەركەفتنا مە ئەو بوویە مە پەیوەندی ل گەل هەمیان دروستكر و من دگۆت دڤێت وێنەكێ جوانێ مللەتێ كورد ل دەف خەلكی دروست بكەین، چونكە وی دەمی خەلكی هزرەكا دی بۆ مللەتێ مە دكر و ئەوا دگۆت كورد مرۆڤ خورن و عاساتن و ل چیا مەزن بووینە نە رەوشەنبیرن و نوزانم پەیوەندیان دروست بكەن و گەلەك ئاخفتنێن كرێت دهاتنە گۆتن لەوما هەمی گاڤا هزرو بیرێن مە ئەو بووینە ئەم ناڤێ جوانێ كوردان ل هزرو بیرێن عەرەبان و هەمی خەلكێ ئیراقێ دا ب گوهورین و چ كەسێن بێ رەوشت مە ل ئێكەتیا قوتابیێن كوردستانێ دا نە وەرگرت و دڤێت هەمی ب رەوشت بن و خودان هزر و بیربن و دڤێت وێنەكێ جوانێ مللەتێ مە نیشا ئەوا كەسێن بەرامبەری خوە بدەن وی دەمی بوومە قوتابیێ پەیمانگەها چاندنێ ل بەغدا وهاتمە راسپاردن وەك ئێكەتیا قوتابیێن كوردستانێ كو سەرپەرشتیا قوتابیان ل وەزارەتا چاندنێ و پەیمانگەها ناڤبری و كولیژا بەیتەرێ و كولیژا كارگێری و ئابووری بكەم و من سەرەدانا قوتابیان كر ل ئەڤان جهان و هەتا بیرا من دهێت جارەكێ زاڤایێ (ئەحمەد حەسەن بەكر) بەرپرسێ دەڤەرا ئەبو غورێب بوو گازیكرم و ئەڤە ژ ئەنجامێ چ هات جارەكێ لافیتەكا مە هاتە بوو دراندن و كچەكا خەلكێ سلێمانیێ بناڤێ (گولجن) پێلاڤا خوە ل وێنێ (ئەحمەد حەسەن بەكر) دا بوو، و من گازی كرێ ل گەل سەرۆكێ ئێكەتی قوتابیێن كوردستانێ دگۆتنێ (نورەدین) خەلكێ كەركووكێ بوو و مە كومبوون ل گەل كر و من خواست زێدەگاڤیێن نەباش ئەنجام نەدەن، و ئەوێ كچێ گۆت لافیتا مە هاتیە دڕاندن من گۆتێ ئەگەر هوون بێ دەنگبن دێ پتر دەنگان ب دەست ڤە ئینین و من گۆتێ بلا هەمی بزانن كێ دڕاندیە و بلا هەوە بەرسف نەبیت و ئەڤە بۆ ئەگەر زاڤایێ (ئەحمەد حەسەن بەكر) ناڤێ وی (زەید نەقیب) بوو گازی من بكەت و گۆتە من وەرە ڤێ ئاكەغەزێ ئیمزا بكە و پشتی شەش هەیڤان دێ تە رەوانەی دەرڤەی وەلاتی كەم و پشتی شەش هەیڤان دێ نەخشێ ئیراقێ دەمەف تە و تە كیرێ ڤیا تبلا خوە دانە سەر دێ تە كەمە قائیمقام ل وێرێ و من تەماشەی كاغەزێ كر ئەندام بوون بوو حزبا بەعس دا و من گۆتێ بۆچی وەبێژی مامۆستا بۆچی تەدڤێت ببمە بەعسی؟ گۆت سەردەری و بێ دەنگیا تە گەلەكا جوانە و ئەم حەسیدیێ ب پارتی دیموكراتی كوردستان دبەین كەسانێن وەك هەوە گەنج ئەندامێن وێ بن و من گۆتی ئەز پارتی دیموكراتی كوردستانم و نەشێم ڤی كاری بكەم چ جارا خیانەتێ بكەم.
