سەركەفتنا ئێكەتیا قوتابیێن كوردستانێ د هەلبژارتنان دا ل تلكێفـێ دەنگڤەدا و بەعسی شکەستن
سالار محەمەد دۆسكی:
4- 5
لێبورین ژ هەر سزایەكێ هاتبیتە سەر و ماف هەیە تاقیكرنا بكەت ل هەر قوتابخانەكا وی بڤێت و دچارچووڤێ بەرپرسایەتیا خوە دا كار بكەت، لێ مادەم فەرمانا گرتنا من هەیە دڤێت هەر بچمە دەف دادوەری (عەلی شنگالی) بەرپرسێ لقێ مویسل بوو و پەیوەندی ب من كر و گۆت هەرە بنگەهێ پولیسان و (عەلی شنگالی) گۆت بوو بەرپرسێ حزبا بەعس تشتەك ل (سادەی) بهێتەكرن پارێزگەر بەرامبەرە و بەرپرسێ حزبا بەعس كربوو و كەنی و گۆت هەتا ڤی ئاستی؟ و دەمێ چوومە ترۆمبێلا مسلح دا هندەكا دیتم و گۆتن (سادە) هاتە دەستەسەركرن و هندەك رێكانیێن مە چوونە لقێ مویسل و گۆتنێ مرۆڤێ ڤە هاتە دەستەسەركرن و لقێ گۆتێ چوو دەف دادوەری وی دەمی خویشكا داوەری چوو بەردلوڤانیا خودێ و ئەو ژ تازیێ دەركەفت و كاغەزێن من ئیمزاكرن، و گۆت توزانی مالا مە گەلەك حەش تە دكەت؟ من گۆتێ خێزانا هەوە كیە ؟ گۆت مامۆستا (خزعەل) كورێ مام و گەلەك حەش تە دكەن ب تە داخباربو گەلەك روودانێن هوسا ب سەری من هاتن ل ژیانا من یا رێكخستنێ و ئێكەتیا قوتابیێن كوردستانێ دا.
سادە ئادەم رێكانی، گۆتژی: من پەیوەندی ب ئێكەتیا قوتابیێن كوردستانێ كرین حزبا بەعس گەلەك كێشە بۆ مالا مە دروستكرن، وی دەمی بابێ من گەلەكێ مەزن بوو و هەر دەم چەكدارێ، حزبا بەعس دا چن كلاشینكوفێ كەنە سینگێ وی را و هەرە كورێ خوە بینەو برایێ من ژمن بچوویكتر بوو ژ قوتابخانێ هاتەدەركرن، و بنەمالا مە گەلەك قوربانی ژ بەر من دا و دو جاران ئەمنێ گۆتە قەشەی هەرە بێژە بابێ وی مە (سادە) كوشتیە و بتنێ ئەفە جورێ شەرەكێ نەفسی بوو و قەشە چوو دەف بابێ من گۆتێ تو چ بێژی تو بێژی تو جارەكا دی سادە بینیە ڤە؟ و قەشە گۆت نەشێم ڤێ پەیامێ بگەهینمێ و پشتی ڤێ چەندێ تەرمێ وی هاتە هاڤێتن ل جهەكی و ئەفجا برایێ من رابوو هەمی وێنە و كاغەز و بەلگەنامێن من ژ نافبرن چونكە مەترسی كەفت بوو سەر ژیانا خێزانا من بگشتی و هەتا من زمانەكێ لێكتێگەهشتنێ دروست كربوو دناڤبەرا خوە و (محەمەد سەلیم سواری) دا و مە ب وی زمانی ل گەل ئێك و دو و نامە بۆ ئێك و دو فرێدكرن و باریێ من هەمی سوتن.
مامۆستایێ زانكۆیێ سادە ئادەم رێكانی ئەو ژی گۆت: دژیانا خوە دا چووما من بۆ كونگرێ ئێكەتیا قوتابیێن كوردستانێ ل باژێرێ سلێمانیێ رۆژەكا گەلەك خوش بوو و ئەو كونگرە ل سەر ئاستەكێ بلند بوو و هەتا نوونەرێن وەلاتان و ۆێكخراوێن بیانی و بالیوزا پشكداری تێداكربوو بیرا من دهێت ل وی كونگرەی (عادل موراد) هات گۆت كاك (سامی) بەحسێ تە دكر و ئەز چووم (عەبدولخالق سامرایی و سامی عەبدولرەحمان) خودێ ژ هەردوكان رازی بیت رونشتی نە و (عەبدولخالق) پوستێن بلند ل حزبا بەعس دا هەبوون وبەلێ وەك پێشتر من ئاماژە پێكری مرۆڤەكێ گەلەك باش بوو و ئەز چووم من سلافكرێ و (عەبدولخاق سامەرایی) گۆت كەرەم بكە روونە خوار و من گۆتێ گەلەك سوپاس رونشتمە خوارێ ل سەر چوكێ خوە ل پشت وان وی گۆت نەخێر دڤێت ل دەف مە روونیە خوارێ و گۆت من پرسیارەكا هەی من گۆتێ كەرم بكە گۆت دیتنا تە چیە بۆ هەوپەیمانیا دناڤبەرا حزبا بەعس دا و حزبا دیموكراتی یا كوردستانی؟ من گۆتێ لافیتەك هەیە ئەم هوون رادكەین و تێدا بێژین ل سەر بەرێ هەوپەیمانیێ دێ هەمی هێزێن داگیركەر پەلخینین گۆت بەلێ دروستە وب ڤی لافیتێ ئەم ترانا ب خەلكێ خوە دكەین چونكە ئەڤ تشتە نەمایە و باوەری د ناڤبەرا مە دا نەمایە و من گۆتێ هەڤالێن هەوە ب دەستێ راستێ مە بریندار دكەن و دەستێ چەپێ مە دەرمان دكەن وی گۆتی چەوا بوومن بێژە من گۆتێ مە كەسەكێ باش و رەوشەنبیر و تێگەهشتی هەیە و ئەڤە دبیتە ژێدەر بۆ رێكخستنێ و زێدەكرنا ئەندامێن پارتی دیموكراتی كوردستان و مە هند دیت ئەو مرۆڤ هاتە كوشتن و دەمێ دهێتە كوشتن هوون ئێكەم كەسن دهێنە تازیێ و ئێكەم كەسن دهێنە دەستێ مە ب ڤی رەنگی چ باوەری نەمایە، ئەو ما و گۆتە كاك (سامی) تو دزانی بۆچی من گازی كرە سادە؟ كاك سامی گۆتێ نەخێر نوزانم، گۆت گەلەك راپورت ل سەر هاتینە و بتنێ من دڤیا بینم و بنیاسم ئەڤە كینە بەحسێ ڤی مرۆڤی ب نەباشی دكەن و ئێكسەر دەست هاڤیتە كارتا خوە ژ بەریا خوە ئینادەرێ و گۆت كورێ من ئەڤە كارتا منە و هەر شاشیەكێ یان نەباشیەكێ تو ژ بەعسیا بینی یان تو توشی گرفتەكێ ب بی پەیوەندیێ ب من بكە و دەمێ فەرمانا گرتنێ ل سەر من كاك (سامی و عەبدولخالق) لژنا ئاشتیێ بوون و لێبورین بوومن دەركر بوو وەك پێشتر من ئاماژە پێكری لەوما وی دگۆت من دڤێت ڤی كەسی ببینم كا (سادە) كیە؟ گەلەك كەیف ب من هات و مەتحێن من بۆ سامی كرن و سوپاس بۆ خودێ و گەلەك كەیفا سامی ب من هات، بیرا من دهێت (عەلی شنگالی) چ جهێ چووبایێ مەتحێن من كرن لەوما ل باژێرێ سلێمانیێ نێزیكی (400) كەسان سەرەدانا من كربوو دماوێ حەفت رۆژان دا و من چەوا زانی ب هەژمارا چایێن بوومن هاتین ژلایێ ئوتیلێ ڤە و ئەڤە تشتەكێ جوان بوو و شانازیێ پێ دبەم.
سادە ئادەم رێكانی گۆت: مە چ خوشیی نەدیت زێدەتر مە نەخوشی دیتی نە بۆ نموونە خێزانا من هەژار بوو و بتنێ بابێ من كاردكر و دێ بەحسێ دیمەنەكێ دی كەم ل باژێرێ مویسلن رۆژەكێ ئەز و (محەمەد سەلیم سواری) ل باژێرێ مویسل بووین من بەرێ خوە دایێ بتنێ نیڤ دینار بەریكا من دایە و ئەم ب ژڤان بووین بچینە خوارنگەهێ چونكە ئەم برسی بووین و مە پیرەمێرەك دیت یێ تەماشەی جهان دكەت و هوسا مە هزر كر كو ئەڤ پیرەمێرە یێ بەرزەبووی و من گۆتە هەڤالێ خوە حەجكو ئەف پیرەمێرە بەرزەبوویە و ئێكسەر چووم من سلاڤكر و من گۆت تە خێرە ل ڤێرە چ دكەی؟ پیرەمێری ئێكسەر گۆت ئەز بەرزەبوویمە و ب مالا خوە ناكەڤم و من گۆتێ مالا هەوە ل كیری یە وی گۆت مالا مە ل (زهورە) من ۆتێ ئەگەر بچیە (زهور) تو دێ ب مالا خوە كەڤی؟ گۆت بەلێ بەلێ زانم چ كولانە و كیش خانیە من گۆتێ گەلەك باشە و ئێكسەر مە ترۆمبێلەكا تەكسی راوستاند و مە گۆتێ ئەڤی مرۆڤی بگەهینە (زهور) ئەو نیڤ دینارا بەریكا من ژی دا من دا خودانێ تەكسیێ من گۆتێ پێ بگەهینە بەری بچیت ئێكسەر پیرەمێری گۆتە خودانێ تەكسیێ راوستیە جارێ نەچە گۆتە من هوون چ مرۆڤن؟ هوون كینە من هوون نەنیاسین؟ من گۆتێ ئەم خولامێن كوردستانێ ینە و تەكسی چوو و ئەم ژی چووین و ئێدی مە پارە نەمان بچینە خوارنگەهێ وی دەمی (محەمەد سەلیم سواری) گۆت خەما نەخو من ژی (10) دەرهەم هەنە و ئەم چووینە خوارنگەها (فورات) من خوارن خوار و من گۆتە (محەمەد سەلیم سواری) تو دزانی مە چ كر؟ مە ئەڤرۆ قومبلەك پەقاند ب (5) دەرهەمان.
