سەركەفتنا ئێك ملیۆن دەنگی ژ حەزژێكرنا خەلكێ كوردستانێ یە
ئاشتی سالح
دەمێ ئەم بەحسێ سەركەفتنا پارتی دكەین، ئەم پەیڤەكا ب هێز و دانپێدانەكا بەرفرەه دبینین كو خەلكێ كوردستانێ پێشكێش كریە. ئەو ملیۆن دەنگێن پارتی وەرگرتین، دەڕبرینەكا راستەقینە یە كو گەلێ كوردستانێ باوەریا خۆ ب سیاسەت و رێبازا پارتی هەیە.
ئەڤ سەركەفتنە نە ب رێكەفت هاتیە دەست، لێ ئەنجامێ ساڵێن درێژ ژ كار و خزمەتكرنا گەلی یە. پارتی هەر دەم دەست ژ دەستێ خەلكی بەرنەدایە و بەردەوام بوویە د پێشخستنا هەرێمێ دا. ژ رۆژا ئاڤاكرنا وێ، پارتی شەر كریە بۆ مافێن گەلێ كورد و هەر دەم بەرەڤانی ژ كەیس و خاكێ وی كریە.
تشتێ سەیر نینە كو گەلێ كوردستانێ ڤێ چەندێ د هەلبژارتنان دا دەردبڕیت. ب راستی، هەر پارتیەكا سیاسی ب كار و بەرنامەیێن خۆ دهێتە نیاسین. پارتی ژی ل سەر بنگەهێ خزمەتكرنا گەلی، دلسۆزی و راستگۆیی دهێتە نیاسین. چونكو پارتی هەر دەم بەرنامەیێن خۆ ب شێوەیەكێ كریاری پێشكێش كرینە و گەل ب چاڤێ خۆ دیتیە چاوا ئەو بەرنامە ل سەر ئەردی پێك دهێن.
ئەم دشێین بێژین كو هەلوەستێ پارتی ل هەنبەر پرسێن نەتەوەیی، چاڤدێریا پارتی بۆ ئاسایشا هەرێمێ و گەشەپێدانا ئابۆری ژ لایێ وێ ڤە، هەمی فاكتەرێن سەرەكینە كو بووینە ئەگەرێ بدەستڤەئینانا ڤێ باوەریا مەزن ژ لایێ خەلكی ڤە.
هەر وەسا دڤێت ئەم دەستنیشان بكەین كو زێدەبوونا ڤێ حەژێكرنێ بۆ پارتی د دەمەكی دا یە كو ناڤچە ب هندەك قەیرانێن سیاسی و ئابۆری رە دەرباز دبیت، ئەڤە ژی دیار دكەت كو خەلك باوەری ب سەركردایەتیا پارتی هەیە و دزانیت كو ئەوە بەرەكێ ئارامیێ و سەقامگیریێ.
د داویێ دا، ئەم دشێین بێژین كو ئەو ملیۆن دەنگ ژ لایێ خەلكی ڤە نەتەنها دەنگدانە ب پارتی، لێ بەلكو دەنگدانە ب داهاتیەكێ گەشتر. خەلكێ كوردستانێ دزانیت كو رێكا سەرفرازیێ د وەلاتەكێ ئازاد و سەربخۆ دایە، و پارتی ژ دەستپێكێ هەتا نها خەباتا وێ بۆ ئازادی و سەربخۆیێ یە. لەوما ڤێ یەكێ ژی هاندایە خەلك دا دەنگێ خۆ بدەنە وێ.