سەركەفتنا ئەڤرۆ دێ هیڤیێن ئیراقێ بۆ مۆندیالا جیهانێ گەش كەت
بڕیارە ئەڤرۆ ل دەمژمێر دو پشتی نیڤرۆ هەلبژارتیێ ئیراقێ یێ تەپا پێی ل یاریگەها ریزال ل پایتەختێ فلپین مانیلا بیتە مێڤانا هەلبژارتیێ فلپین ژ چارچووڤەیێ كۆما شەشێ یا ڤاڤارتنێن هەڤپشك یێن دەربازبوون بۆ قارەمانییا كۆپا ئاسیا 2027ێ و مۆندیالا جیهانی 2026ێ.
هەلبژارتیێ ئیراقێ دكۆما شەشێ دا سەرێ لیستێ دهێت ب نەهـ خالان ژ سێ سەركەفتنان، ئەندۆنیسیا ب چار خالان رێزا دویێ، فێتنام ب سێ خالان رێزا سێیێ و فلپین ب ئێك خال رێزا چارێ و دووماهیێ دهێت، سەركەفتنا ئەڤرۆ یا ئیراقێ دێ پێنگاڤەكا باش بەر ب دەستڤە ئینانا پلێتا دەربازبوون بۆ مۆندیالا جیهانێ وقارەمانییا كۆپا ئاسیا، ل دووڤ راگەهاندنا فیدراسیۆنا فوتبۆلا ئیراقێ یاریزانێ كورد مێرخاس دوسكی و زڕغام ئیسماعیل پشكداری یاریێ نابن ژبەر هەبوونا هنگاڤتنێ.
بۆ زانین 36 هەلبژارتیێن كێشوەرێ ئاسیا هاتنە بەلاڤكرن ل سەر نەهـ كۆمان سەركەفتیێن ئێكێ و دویێ دێ ئێكسەر دەربازبنە كۆپا ئاسیا 2027ێ دیسان قۆناغا سێیێ و دووماهیێ یا ڤاڤارتنێن مۆندیالا جیهانی، خودانێن رێزێن سێیێ و چارێ دێ بتنێ هەڤڕكیێ بۆ ڤاڤارتنێن كۆپا ئاسیا یاریێ كەن.
