«سەركەفتنا لیستا 275 یا پارتی سەركەفتنا ئیرادە و خۆڕاگرییا گەلێ مەیە»
ئامێدیێ، مەحمود نهێلی:
بەهرام عریف یاسین، بەرپرسێ لقێ 18 یێ پارتی ل ئامێدیێ د چارچوڤێ بانگەشەیا هەلبژارتنان دا ل ناوچەدارییا چەمانكێ پەیڤەك بۆ بەرپرس و سەرپەرشت و ئەندامێن میحوەر و بازنە و خەلكێ چەمانكێ پێشكێشكر و گۆت: سەركەفتنا لیستا 275 سەركەفتنا ئیرادە و خۆڕاگریا گەلێ مەیە و زامنێ پاشەڕۆژەكا گەشترە ب چەسپاندنا هەڤپشكی و هەڤسەنگی و ل هەڤكرنێ.
ناڤهاتی گۆت: «باوەریا مە ب گەلێ مە یا مەزنە و ل هەلبژارتنان دێ دلسۆزیا خوە بۆ پارتی و رێبازا بارزانی دیاركەن، بۆ دوست و نەیاران سەلمینن كو پارتی یا ئێكێ یە، هەبوونا پارتی یا بهێز ل جڤاتا نوونەرێن ئیراقێ پێدڤی و گرنگە ژ بۆ پاراستنا دەستكەفتان و مسوگەركرنا دەستكەفتێن زێدەتر».
بەرپرسێ لقێ 18 تەكەز كر، ل 11/11 هەلبژارتن دێ بنە شاهیەك بۆ سەرئێخستنا لیستا 275 و ئەم هەموو دێ ب چاڤێ خوە بینین و گۆت: «بانگەشەكا سەردەمیانە و پرۆسەیەكا هەلبژارتنا یا رۆهن و بێ ئاریشە، ژ ئارمانجێن پارتییە، دیسا پاراستنا قەوارێ دەستووری و سیاسی یێ هەرێما كوردستانێ، ئەركێ مە هەموویانە و سەركەفتنا لیستا 275 زامنێ ڤێ چەندێیە».
