سەرهلدان
رێژین حكمەت
سەرهلدانێ
تە ئەم گەهاندین ئازادیێ
ژ زاخۆ هەتا كەركووكێ
وەلاتێ من بوو كەڤۆكا جیهانێ
هێمایێ بەرخودانێ
ئالا ڕاكرن بۆ دەولەتبوونێ
تو چەند بهێزی وەلاتۆ
بارانێن ڕەش و
ئەنڤالێن گران
جینوساید و كیمیاباران
نەشیان تە داگیربكەن.
وەلاتۆ..
سەرهلدان بوویە هێما
سەرهلدانێ..
تە دەولەتا كوردی كرە
هیڤییەك د ژیانا مەدا
تیرەك د دلێ جیرانادا
سترییەك د دەست و پیێن دوژمنان دا
ئاگرەك نەیاران دسۆژی
برینەكی ل سەر سینگێ داگیركەران..
چەند شەهید ببین
رێبازا وان بەرنادین.
دەولەتێ، دزانم
یاسایا تەیە خەبات و قوربانیدان
یاسا مە ژی
یاسا هەر جارە
ئەڤ ڕێبازە یا مەردەمێرانە
یا عەگید و شورەشگێرانە
گەنج و مللەتی ئاڤاكە..
ئەڤە چەند سالە
خەبات و خەزمەتا مە
خوینا شەهیدێن مە
ڕوندكێن دەیكێن جەرگبڕ
ئاخ ب ڕەنگێ خوینێ یە
كوشتن.. سۆتن.. وێرانكرن
بن ئاخكرن.. بێ سەرو شوینكرن
بەلێ ب سەرهلدانێ وەلات ئاڤا بوو
ئالایەك ل بەر بەژنا چیا بلندە.
