سەرهلدان
خالد علی سلێڤانەیی
ب هەلكەفتنا سالیادا سەرهلدانا خەلكێ كوردستانێ، پێشكێشە بۆ هەر كەسێ ب هەر رێكەكێ پشكداریەكا ئەرێنی د ڤێ بوویەرا دیرۆكی دا كری، ب تایبەت بۆ گیانێ پاكێ شەهیدێن سەرهلدانێ و هەمی شەهیدێن رێبازا ئازادیخوازا كوردستانێ.
ژ رانیا رۆناهی دا
هەتا گەهشتی زاخۆ
ب دەستێن وان عەگیدا
گەلی دیت ئازادیا خۆ
:: :: ::
مللەت وەك شێرا رابوو
ئازادبوون چیا و زەڤی
ئەو رۆژا رەش ئاڤا بوو
دوژمن بوو رووڤی و رەڤی
:: :: ::
پشتی چەند قوربیانیا
حەلبەچە و ئەنفالكرنێ
ڤەبوون دەرێن هیڤیا
قورتال بوون ژ وێ مرنێ
:: :: ::
ئەڤە بوون سیه وسێ سال
پیرۆزبیت ئەڤ هەلكەفتن
ئەی سەرهلدانا دەلال
مە دەولەتبوون سەركەفتن
:: :: ::
وەلات یێ ئاڤەدانە
رۆژ بۆ رۆژ گەشترە
ب رێبازە و خودانە
لەو پاشەرۆژ خوەشترە
:: :: ::
ئەڤ كەلها مە یا موكوم
ئێدی ناهێت هەلوەشان
چەند ب پیلان بن دوژمن
نا گەهتێ دەستێ وان
:: :: ::
دێ مینن سەر ڤێ دۆزێ
ئەم ب باشترین وێنە
ب ئاگرێ نەورۆزێ
گەلەك مزگینی ل رێنە.
