سەروکاتیا باژێرڤانیا دھۆکێ ئامارا شەش ھەیڤان راگەھاند
ئەڤرۆ نیوز، سالار دۆسکی:
سەرۆکاتیا باژێرڤانیا دھۆکێ ئامارا شەش ھەیڤێن بوری راگەھاند و ل گورەی ئەوێ ئامارێ د دەمێ بوری دا ل سنوورێ پارێزگەھا دھۆک ١٠٩ پروژە ھاتینە ئەنجامدان.
دڤی واریدا ئسماعیل مستەفا رێڤەبەرێ پەیوەندی و راگەھاندنێ ل سەرۆکاتیا باژێرڤانیا دھۆکێ بۆ ئەڤرۆ نیوز گۆت: ( ل رۆژا ١/١/٢٠١٧ ھەتا٣٠/٦/٢٠١٧ ئانکو د شەش ھەیڤێن بوری دا ل سنوورێ سەروکاتیا باژێرڤانیا دھۆکێ ١٠٩ پرۆژە ھاتینە ئەنجامدان دوارێ کونکریتکرن و قێرکرنا رێک ، سولین ، پارک و باخچە ، چاندنا دار و فریزی و گولان دناڤا بازاری و شوستەیێن جاددەیان )
زێدەتر گۆت: ( ھەر د شەش ھەیڤێن بوری ٤٢٢ دەستویری بۆ ئاڤاھیان ھاتینەدان دوارێ بازرگانی و ئاکنجیبوون و و خزمەتگوزاریێن گشتی ، و ٤١ خانیێن زێدەگاڤی ھاتینە تومارکرن و ٢٥٠ گرێبەست ژی ھاتینە نوکرن )
