سەروکێ پەرلەمانێ عێراقێ: دێ بودجەکێ تایبەت بۆ ڤەگەریانا ئاواران و ئاڤەدانکرنا شەنگالێ تەرخان کەین
ئەڤرۆ نیوز،بارزان مزووری:
ئەڤرۆ دەمژمێر ١١ سپێدێ رێککەفتی ١٤ کانونا ئێکێ ٢٠١٨ محەمەد حەلبوسی سەرۆکێ پەرلەمانێ عێراقێ سەرەدانا مالا میر تحسین بەگ میرێ ئێزدیان کر و ژلایێ میر حازم کورێ میر تەحسین بەگ ھاتە پێشوازیکرن ب مەرەما پیرۆزکرنا جەژنا رۆژیێن ئێزدیان دیسان دگەل فرھاد ئەمین پارێزگارێ دھوک سەرەدانا پەرستگەھا لالش دا و جەژنا ئێزدیان پیرۆزکر.
محەمەد حەلبوسی سەرۆکێ پەرلەمانێ عێراقێ د کونگرەکێ رۆژنامەڤانی دا ل پەرستگەھا لالش راگەھاند کو گەلەک یێ پێخوش بووم ھاتنا من بۆ پەرستگەھا لالش ب ھەلکەفتنا جەژنا رۆژیێن برایێن ئێزدی ژ بەر وێ وێ چەندێ کو ئەڤە چەند سال بو وەکو فەرمی جەژنێن خوە نەگێرابوون ژ بەر وان کارەساتێن ب سەرێ وان ھاتین ژلایێ رێکخراوا تیرۆرستی یا داعشێ، ھێڤیدارم ھەموو رۆژێن وان جەژن و خوەشی بن ئەو کارەسات دوماھیک ئینانا ھەر نەخوەشیەکێ بیت، ئەم د ھەولێن باش داینە کو دوبارە وان ئێزدیێن د ئاوارەیێ دا دژین ڤەگەرینینە ڤە بو سەر جھێن وان و ھاریکاریا وان بکەین ب رێکا دەزگەھێن ھەرێمێ و عێراقێ یێن نیڤدەولەتی و ئەو ئاریشێن وان ھەدین یێن ساخلەمی و دەروونی چارەسەر بکەین ھەرچەندە گەلەک دەڤەرێن ئێزدیان پێدڤی ب رێککەفتنەکا سیاسی یا هەی و ئەو ژی دھێنە چارەسەرکرن.
د بەردەوامیا کونگرێ رۆژنامەڤانی دا ناڤهاتی گوتژی دێ بودجەکێ تایبەت تەرخان کەین بۆ ڤەگەریانا ئاواران و ئاڤەدانکرنا شەنگالێ، پێدڤیە ھەموو لایەن ل یاسادانانێ و د حکومەتێ دا ھاریکار بن.