سەرو سیمایێ ئەكتەری نامەیا مرۆڤایەتیێ دگەهینیت
بێوارحەمدی:
سینەماكار(عەبدولقادر بامەرنی) د دیدارەكێ دا بۆ رۆژنامەیا ئەڤرۆ گۆت: من ئەكتەری هەلبژارت ژبەركو سەرو سیمایێ ئەكتەری نامەیا مرۆڤایەتیێ دگەهینیت، دەمێ دەربڕینێ ژ ژان و ئازارێن ستەملێكریان چ مرۆڤ یان گیانەوەر یان سروشت ب هەستیاری بەرچاڤ دكەت
هەروەسا گۆت: كارتێكرنا ئەكتەریێ هەكە ژ پەیڤ و هۆزان و رۆمانان پتر نەبیت، كێمتر نینە، لەورا ئەكتەریێ دل ئارامیەك بۆ من پەیدا كر، لێ وەكو دونیاداری هێشتا ئەم ب قەرداری دژین، دكارێ سینەمایی دا رەخنەگرتن ساخلەمیە و ئەرێنی و نەرێنیا ئەكتەری بەرچاڤ دكەت، بەلێ ب مخابنی ڤە هندەك كەسێن نە سینەماكار و سادە دەمێ دبینن رۆلەكێ لاواز پێ دهێتە دا ب چاڤەكێ سڤك و شكەستی تەماشە دكەن و دبیت ئەو ئەكتەر كەسەكێ قەهرەمان و جوامێر بیت، لێ هەردەم دەست قووتا وان بۆ قەهرەمانێن فلمی یە.
