سەرپەرشتێ یانەیا بەردەرەش: ئاریشەیا تیمێ تۆمارنەكرنا گۆلانە
رەمەزان زەکەریا:
دداخویانیەكێدا سەرپەرشتێ تیما تەپا پێی یا یانەیا بەردەڕەش ئاشكرا كر د وەرزێ ئەڤ سالە دا ئەوان هیڤییەكا مەزن هەبوون كو تیما وان د خولا پلا دو پلێتا دەربازبوونێ بۆ پلا ئێكا كوردستانێ وەربگریت لێ مخابن ئەوا دهاتە چاڤەڕێ كرن نە گەهشتینە هیڤیێن خوە.
زێدەتر زەهدی عەبدولقادر بۆ رۆژنامەیا ئەڤرۆ گۆت: ئاریشەیا مەزن یا ژ دەستدانا خالان یاریزانێن مە كۆمەكا مەزن یا گۆلكرنێ ژ دەستدان و دیسان یاریزانێن مە د یاریێن بۆری دا د رێكخستی نەبوون دەمێ یاریێ و چەندین دەلیڤەیێن گۆلكرنێ ژ دەستدان سەرباری راهێنەرێ مە خودان شیانە و پلانێن باش هەبووینە، هەتا نوكە مە نەشیایە ئارمانجا خوە بجه بینن.
هەروەسان ناڤهاتی گۆت: مە ئێك یاری مایە بۆ ئێكلا كرنا هەلوەستێ خوە، سەركەفتنا مە و خوسارەتیا تیما د كۆما مە دا یا هەڤڕكا مە دێ هیڤیێن مە باشتر لێكەت، لێ ب گشتی ئەڤ ئەنجام و ئاست د چاڤەڕێ كری نەبوون و دەم نەمایە ئەوان شاشیا راستڤە كەین بۆ وەرزێ بهێت دڤێت باشتر خوە بەرهەڤ بكەین و شێوازەكێ دروست كار بهێتە كرن.
