سەرکردەکێ سونەیان داخوازا ھەڤپەیمانیا کورد و سونەیان دکەت
ئه‌ڤرۆ نيوز، ئه‌ياد به‌روارى:
ئەمیندارێ گشتیێ حزبا ئیسلامی یا عیراقی داخوازێ ژ کوردان دکەت، دەستپێشخەریێ ل گەل سونەیان بکەن بۆ پێکئینانا ھەڤپەیمانیەکا نیشتمانی بۆ گوھۆرینا ھەڤکێشێن سیاسی ل عیراقێ.
ئەیاد سامەرائی، ئەمیندارێ گشتیێ حزبا ئیسلامی یا عیراقی دگۆتارەکێ دا کو ل سەر تۆرا جڤاکی یا فەیسبووکێ بەلاڤکر و دبێژیت: “ھەلویستێ نە جێگیر یێ کوردان، وەکریە کو سەرۆک وەزیرێن عیراقێ لەزێ د چارەسەررنا کێشان ل گەل ھەرێما کوردستانێ نەکەت، لەوما ب پێدڤی دزانم برایێن کورد چارەسەریا وان کێشە وناکۆکیان بکەن یێن کەفتینە دناڤبەرا وان دا”.
دپشکەکا دی یا گۆتارا خوە دا، ئەمیندارێ گشتیێ حزبا ئیسلامی یا عیراقی، دبێژیت” من پێزانین یێن ھەین کو ھندەک وەلاتێن جیھانێ شیرەت ل حەیدەر عەبادی کرینە وداخواز ژێ کریە لەزێ دلێک تێگەھشتنێ ل گەل ھەرێما کوردستانێ بکەتە، وەلاتەکێ ئورۆپی یێ گرنگ ژی گەفێن راگرتنا پشتەڤانیا دارایی ل عیراقێ کرینە، ھەکە ل گەل ھەرێما کوردستانێ رێک نەکەڤیت”.
ئەیاد سامەرائی دوێ نڤیسینا خوە دا ئاماژێ دکەت کو” دبیت عەبادی سیاسەتەکا تایبەت ب پەیوەندیان ل گەل کوردان ب رێڤەببەت ونەڤێت چو کەسەک دەستێوەردانێ دکارێن وی دا بکەت”.
سامەرائی دووپاتی ل وێ چەندێ کر کو” نابیت کورد چاڤەرێی وێ چەندێ بن کو شاندێ سونەیان بچن لایێ وان، داخوازێ ژێ دکەم ئەو ژی دەستپێخەریێ بکەن، چونکی ھەبوونا ھەلویستەکێ ھەڤپەیمانانە دناڤبەرا کورد وسونەیان دا وپاشی گوھۆرینا وی بۆ ھەلویستەکێ نیشتمانی وگرێدانا ھێزێن دی پێڤە، دێ ھەتا ئاستەکێ مەزن ودوور ھەڤکێشان گوھۆریت”.
