سەرکردەیەکێ ئاکپارتیێ بەحسێ گوهۆڕینێن نوو ل تورکیا دکەت
ب، سه‌رجان:
ئورهان میر ئۆغلۆ ئەندامێ سەرکردایەتیا ئاکپارتیێ دیار کر، نها بەرهەڤی بۆ ڤێ یەکێ دهێنە کرن دا هەڤسەرۆکێ دەم پارتی ل گەل ئۆجەلانی کۆمبن و بێگومان ئارمانجا سەرەکی یا دەولەتێ ژ ڤێ کۆمبوونێ ئەڤە دا ئۆجەلان داخواز ژ پەکەکێ بکەت دەست ژ چەکی بەردەت.
ناڤهاتی ئەو یەک ژی دیار کر، هەکە ڤێجارێ پەکەکە داخوازا ئۆجەلانی رەت بکەت رەنگە گەلەک یا ب زەحمەت بیت جارەکا دی دەلیڤەکا وەسا بهێتە پێش، چونکی نها گوهۆڕینێن بلەز ل دەڤەرێ روو ددەن و د ناڤ تورکیا دا ژی پشتەڤانیەکا مەزن بۆ راگرتنا شەڕی و دەستپێکرنا قۆناغەکا نوو هەیە، هەکە ئەڤ دەلیڤە ژ دەست بچیت رەنگە زیانێن خوە یێن گەلەک مەزن بۆ کوردان و تورکیا ب گشتی ژی هەبیت، ژ بەر ڤێ یەکێ ژی گرنگە بەرپرسێن پەکەکێ یێن ل قەندیلی گۆهداریا ئۆجەلانی بکەن.
