سەرکەفتنا کولومبیا بھایێ یاریزانەکێ بەرشەلونە گران کر
ئەڤرۆ نیوز:
بەرەڤانێ ھەلبژارتیێ کولومبیا و یانا بەرشەلونە یاری مینا پشتی شیای د موندیالا ئەڤ سالە یا وەلاتێ روسیا دا دو گۆلان بۆ ھەلبژارتیێ خوە توماربکەت و بەر ب سەرکەفتنێ ببەت بۆ قوناغا شازدێ بھایێ وی گران بویە د سیکا ڤەگوھاستنا یاریزانان دا.
رۆژناما موندو دیبورتیڤو ئەڤ پەیامە ئاشکرا کر کو یاری مینا بەرەڤانێ ھەلبژارتیێ کولومبیا پشتی شیای گۆلەکێ لسەر ھەلبژارتیێ سینیگال توماربکەت و وەلاتێ خوە دەربازی قوناغا شازدێ بکەت و بەری ڤێ سەرکەفتنێ ژی شیابو گۆلەکێ لسەر ھەلبژارتیێ پولەندا تومار بکەت ب ڤێ چەندێ لدیف ئاستێ ڤی یاریزانی بھایێ یاری مینا گران بویە ژبەر ئاستێ وی یێ باش د گەل کولومبیا د قوناغا کومان دا ژ موندیالا روسیا ٢٠١٨.
