سەرۆككۆمارێ ئیراقێ ل گەل سەرۆكێ نوونەراتیا حوكمەتا هەرێمێ ل بەغدا كـۆم بوو
د.عەبدولەتیف رەشید، سەرۆككۆمارێ ئیراقێ، دوهی 1/12/2025 ل نڤیسینگەها خۆ یا تایبەت ل بەغدا پێشوازی ل (فارس عیسا) سەرۆكێ نوونەراتیا حوكمەتا هەرێما كوردستانێ ل بەغدا كر و د روونشتنەكێ دا هەردو ئالیان دانوستاندن ل دۆر رەوشا ئیراقێ ب شێوەیەكی گشتی، ب تایبەت ژی پشتی ئەنجامدانا هەلبژارتێن ڤێ دووماهیێ و راگەهاندنا ئەنجامان كر.
هەروەسا د لایەكێ دی یێ روونشتنێ دا بەحسێ پەیوەندیێن د ناڤبەرا هەولێرێ و بەغدایێ دا هاتە كرن و هەردو لا د هەڤڕا بوون، كو پێدڤیە ل دووڤ دستووری و یاسایێ هەڤڕكیێن د ناڤبەرا هەولێر و بەغدایێ دا بهێنە چارەكرن، هەروەسا بەحسێ پێكئینانا كابینەیا دەهێ یا حكومەتا هەرێما كوردستانێ ژی هاتە كرن و ل دووماهیێ بەحسێ راگەهاندنا سەرژمێریا گشتی و چاوانیا چارەكرنا هەر سەرپێچیەكێ هاتە كرن.
