سەرۆكێ حوكمەتێ كارەكێ پیرۆز بۆ پەرستگەهـێ كریە
دهۆك، لەزگین جۆقی:
مەسرور بارزانی، سەرۆكێ حكوومەتا هەرێما كوردستانێ بەری جەژنا جەمایێ پڕۆژەیێ جۆتسایدێ شێخان بۆ لالشێ ڤەكر، ئەڤ پڕۆژە ب درێژاهیا 9 كیلۆمەتران و فراهیا 25 مەتران و ب گوژمێ پتر ژ 26 ملیار دیناران هاتیە چێكرن.
سعود مستۆ، رێڤەبەرێ گشتیێ كاروبارێن ئێزدیان بۆ رۆژناما ئەڤرۆ خویا كر، ئێك ژ پڕۆژەیێن هەرە مەزن ل پەرستگەها لالشێ ژ لایێ مەسرور بارزانی، سەرۆكێ حكومەتا هەرێما كوردستانێ ڤە بۆ ئێزدیان هاتیە پێشكێشكرن، چێكرنا جۆتسایدێ شێخان بۆ لالشێ یە و گۆت: «ئەڤ پڕۆژە جهێ دلخوشیا هەمی ئێزدیان بوویە و رێكا لالشێ گەلەك یا خوش بووی».
لوقمان سلێمان، بەرپرسێ ڕاگەهاندنا پەرسگەها لالشێ بۆ ئەڤرۆ گۆت: «بەری نوكە ل جەژنا جەمایێ پێنج دەمژمێران ژ شێخان هەتا زیارەتكار دگەهشتنە لالشێ، نوكە ئەڤە هەمی نەمایە و خەلكێ مە بێ ئاریشە گەلەك زوو دگەهنە لالشێ«.
لوقمان گۆتژی: «سەرۆكێ حكومەتا هەرێما كوردستانێ كارەكێ گەلەكێ پیرۆز بۆ پەرسگەها لالشێ ئەنجامدایە و زیارەتكار د چەند خولەكان دا دگەهنە لالشێ«.
