سەرۆكێ باژێڕڤانیا شێخان: ل نێزیك جۆتسایدێ شێخان بۆ لالشێ دێ هێتە ڤەكرن
دهۆك، لەزگین جۆقی:
سەرۆكێ باژێرڤانیا شێخان راگەهاند، پڕۆژەیێ جۆتسایدێ شێخان بۆ لالشێ بەری دەمێ خۆ تمامبوویە، ئەڤ پڕۆژە ب گوژمێ 26 ملیار و 484 ملیۆن دیناران هاتیە بجهئینان.
خالد نەرمۆ، سەرۆكێ باژێرڤانیا شێخان بۆ رۆژناما ئەڤرۆ دیار كر، پشتی سەرەدانا مەسرور بارزانی، سەرۆكێ حكومەتا هەرێما كوردستانێ بۆ شێخان، وی دەمی داخوازا چێكرنا جادەیا شێخان بۆ لالشێ ژ جەنابێ وی هاتبوو كرن و گۆت: «سەرۆكێ حكومەتێ ژی رازیبوون ل سەر بجهئینانا پڕۆژەی كر و بەرێ بنیاتی بۆ دانا و پڕۆژە كەفتە د وارێ بجهئینانێ دا، نوكە پڕۆژە بەری ژڤانێ خۆ تمامبوویە، پڕۆژە ب ستانداردێن جیهانی هاتیە چێكرن و جۆتسایدە و پڕۆژەكێ گەلەكێ گرنگە ل دەڤەرا شێخان هاتیە بجهئینان».
گۆتژی: «پڕۆژەیێ جۆتسایدێ شێخان بۆ لالشێ درێژاهیا وی هەشت كیلۆمەترن، ب گوژمێ پتر ژ 26 ملیار دیناران هاتیە چێكرن و ل نێزیك دێ ب فەرمی هێتە ڤەكرن.
