سەرۆك بارزانی پشتەڤانیا خوە بۆ بەرفرەهكرنا (چایخانەیا شەهیدان) دیاركر
شاكر ئەتروشی:
سەرۆك بارزانی د سەردەدانا خوە یا ڤێ حەفتیێ دا بۆ پارێزگەها دهۆكێ، ل رۆژا 28/10 سەرەدانا چایخانەیا شەهیدان كر و پشتی ژ نێزیك وێنە و چەك و جلكێن شەهیدان دیتین، گۆتە خودانێ چایخانێ (ئێدی نەبێژنە ڤی جهی چایخانە، چنكو ئەڤ جهە وەكۆ مۆزەخانەیەكێ یە و ئەز پشتەڤانم كو بهێتە بەرفرەهكرن دا پتر وێنەیێن شەهیدان لێ بهێنە نیشادان)
مەتین دۆسكی، خودانێ چاپخانەیا شەهیدان ل دۆر وێ سەرەدانێ بۆ رۆژنامەیا ئەڤرۆ گۆت: سەرەدانا سەرۆك بارزانی بۆ چایخانەیا شەهیدان ئەز ب رۆژەكا دیرۆكی و پیرۆز ل قەلەم ددەم، هەروەسا هەست پێ دكەم كو ژنوو مە چایخانە یا ڤەكری، هەلبەت پشتی سەرۆكی باش بەرێ خوە دایە وێنەیێن شەهیدان رۆندك ژ چاڤێن وی هاتن و گۆتە من (ئەڤە جهەكێ پیرۆزە، چنكو وێنەیێن شەهیدان لێ هاتینە نیشادان ژ بۆ هندێ دا نڤشێ بهێت دەمێ سەرەدانا ڤی جهی دكەن، كو ئەز نابێژمێ چاپخانە بەلكو دێ بێژمێ مۆزەخانە دەمێ چاڤێن وان ب ڤان وێنەیان دكەڤن، دابزانن كو ڤان پێشمەرگەیێن قەهرەمان یێن خوە داینە شەهیدكرن سەخمەراتی ئازادی و سەرفەرازیا ڤی وەلاتی، لەورا دێ پشتەڤانبم كو ئەڤ جهە بهێتە بەرهەڤكرن.