سەرۆکا گرۆپێ کچێن رانیا: دێ خۆشحالبین ل گەل سترانبێژێن دەڤەرا بەھدینان سترانا بێژین
ئەڤرۆ، ھەرھین محەمەد:
رەوشت حەسەن، سەرۆکا گرۆپێ کچێن رانیا، د دیدارەکێ دا بۆ ئەڤرۆ گۆت: گرۆپێ کچێن رانیا ژ یازدە ئەندامێن کچ پێکھاتیە و پتریا ئەندامێن مە قوتابی نە ل کولیژ و پەیمانگەھا ھونەرێن جوانن ل ھەولێر وسلێمانی و گەلەک ژوان دناڤ رانیا دا نەماینە و خێزان پێک ئینایە، لەورا کومبوونێن مە کێمترن و ئەڤێ قەیرانا دا کارتێکرن ل مۆزیکێ کریە و ئەڤ ھەموو تشتە بوونە بەربەستەک بەرامبەری گرۆپێ کچێن رانیا، لەورا ھەتا نوکە چ کارێن نوو ل بەردەستێ مە نین و سترانا مە چارگول گەلەک رولێ خوە ھەبوویە دناڤ دەڤەرا بەھدینان دا و ب ئانەھیا خودێ ل داھاتی دێ ھەرسترانێن بەھدینی بێژین دناڤ گرۆپێ خوەدا.
رەوشتێ گۆت: ھەتا نوکە مەھزر نەکریە ل گەل مۆزیکژەن و گروپێن بەھدینی کاربکەین و دێ خۆشحالبین ل گەل وان کار بکەین، بەلێ ھەتا نوکە داخاز ژمە نەھاتیەکرن و گەلەک حەزدکەین ئەو کەسێن سترانا ل گەل بێژین کچ بن، چونکو گرۆپێ مە ھەموو کچن و ب ناڤێ کچانە و کوڕان نائینە گەل خوە ھەکە د بەرنامەکی دا کوڕ ژی پشکداریێ ل گەل مە بکەن تشتەکێ جوانە.
ل دووماھیێ گۆت: ئاریشا گرۆپێ مە یا سەرەکی ئەوە ھەتا نوکە مە چو جە نین ئەم وەکو گرۆپ کومبوونێن خوە لێ بکەین و ئەم کومبوونێن خوە ل دەزگەھێ رەوشەنبیری وەرزش لاوان دکەین ل وێری ژۆرەک دایە مە و کومبوون و راھێنانێن خوە ل وێ ژۆرێ دکەین و دیسان مە چ بارێ دارایی یێ باش ھەیە پێ کاربکەین.
