سەرۆکێ جڤاتا قەزا شنگال: نابیت حەشدا شەعبی و سۆپایێ عیراقێ مایتکرنێ د کاروبارێن ئیداری یێن شنگالێ دا بکەن
ئه‌ڤرۆ نيوز:
سەرۆکێ جڤاتا قەزا شنگال دیار کر کو ب ھیچ شیوەیەکێ جڤاتا شنگال بێدەنگ نابیت ل سەر وان لایەنیێن رێگریی ل زڤرینا ئیدارا شنگالێ کرین و دێ داخوازێ ژ نەتەوێن ئێکگرتی و پەرلەمانێ عیراقی دکەن ڤەکۆلین دگەل وان بھێتە کرن.
وەیس نایف، سەرۆکێ جڤاتا قەزا شنگال بۆ رۆژنامەیا ئەڤرۆ دیارکرکو ئەو دێ ڤەکۆلینێ ل دۆر وێ رێگریا ل جڤاتا شنگالێ ھاتیە کرن کەن و دووڤ دا ژی دێ داخوازێ ژ نەتەوەیێن ئێکگرتی و پەرلەمانێ عیراقی کەن بھێنە سەر خەتی بۆ لێپرسینێ دگەل وان کەس و لایەنان یێن بووینە ئەگەر خەلکێ بیانی بھێتە شنگالێ و رێگریێ ل زڤرینا ئیدارا شەرعیی یا شنگال بکەن.
ناڤھاتی ئاماژە دا وێ چەندێ کو وان وەکو جڤاتا شەرعیی یا شنگالێ خوە رادەست نەکریە و ئەو خوە رادەست ژی ناکەن و دێ وەکو خوە کەن، چونکو ئەو گرێدایی جڤاتا پارێزگەھا مووسلێ نە و دێ رێنمایان بجە ئینن و گۆت: “ھێشتا ئەم نەچووینە شنگالێ حەشدا شەعبی خواست گۆھورینێن ئیداری بھێنە کرن و پاشی ئیدارا شەرعیی ب زڤرنە شنگالێ، نوکە ژی یی ڤێ بزاڤێ دکەن و فشارێ دکەن، لێ ب ھیچ شێوەیەکی ئەم قبوول ناکەین مە وەسا رێکەفتن کربوو دەمێ ئەم دزڤرینە شنگالێ ژی چوو کەس و لایەن نەحەشدا شەعبی و نە سۆپایێ عیراقێ نابیت مایتکرنێ د کاروبارێن ئیدارای یێن شنگالێ دا بکەن”.
ناڤھاتی ئاماژە دا وێ چەندێ کو نوکە ژی ئەو یێ بزاڤان دکەن کۆمبوون بھێنە کرن بۆ زڤرینا ئیدارا شنگال ب مەرجەکی کەس مایتێکرنێ د ئیدارا شەرعی دا نەکەت و گۆت: “نوکە ژی ل ناحیا فەیدیێ ئیدارا شەرعی یا شنگالێ دەست ب دەواما خوە کریە و ئەم چاڤەرێنە چو مایتێکرن د ئیدارا شنگالێ دا نەھێتە کرن”.
