سەرۆکێ حوکمەتا هەرێمێ ل گەل سۆپا سالارێ وەلاتێ زلهێز کومبوو
ئەڤرۆ نیۆز،زنار تۆڤی:
دوهی ئێڤارێ نێچیرڤان بارزانی سه‌رۆکێ حوکمەتا هه‌رێما كوردستانێ پێشوازی ل جه‌نه‌ڕال كلاودیۆ گرازیانۆ سوپاسالارێ ئیتاڵیا و شاندەکێ ل گەلدا کر.
گرازیانۆی خۆشحالیا خوە بۆ سه‌رەدانا هه‌رێما كوردستانێ و ئه‌و هه‌ماهه‌نگییا ب هێز یا دناڤبەرا هێزێن پێشمه‌رگەی و هێزێن سوپایێ ئیتاڵیا دا هه‌ی نیشان دا، ب تایبه‌تی ل به‌نداڤا مووسلێ كو تیمەکێ سوپایێ ئیتالیا ب مه‌به‌ستا پاراستنا وێ به‌نداڤێ ل وێرێ جێگر بووینە و كۆمپانیەکا ئیتالی ژی كارێ نۆژه‌نكرنێ جێبەجێ دکەت.
هەروەسا بەحسێ وان هایکاریا ژی کر یێن بوو پێشمەرگەی هنارتین و بەردەوامیا هنارتنا وان هاریکاریان بۆ هەرێمێ و پێشمەرگەی دووپاتکرنەڤە،دیسا په‌یوه‌ندیێن ئیتالیا ل گه‌ل هه‌رێما كوردستانێ بلند نرخاندن.
هەروەسا سه‌رۆکێ حوکمەتا هه‌رێما كوردستانێ سوپاسیا ڤێ سه‌رەدانا وی كر و ده‌ستخۆشی لێ كر بۆ وان كارێن کو ل به‌نداڤا مووسڵ ئەو ئه‌نجام د‌ده‌ن، ب تایبه‌تی نۆژه‌نكرنا به‌نداڤێ و نه‌هێلانا وێ مه‌ترسییا ل سه‌ر هه‌ی،جه‌خت ل سەر هندێ کر کو ئه‌و هه‌ماهه‌نگیا دناڤبەرا هێزێن پێشمه‌رگه و سوپایێ ئیتاڵیا دا ل به‌نداڤا مووسڵێ دا هه‌ی جهێ خۆشحاڵیێ و ده‌ستخۆشیێ یە.
سه‌باره‌ت ب هاریکاریێن ئیتاڵیا بۆ پێشمه‌رگەی و چاره‌سه‌ركرنا بریندارێن شه‌رێ دژی داعشێ نێچیرڤان بارزانی سوپاسیا حوکمه‌تا هه‌رێما كوردستانێ پێ ڕاگه‌هاند و په‌یوه‌ندیێن دناڤبەرا هه‌ردو لایان دا بلند نرخاندن.
هه‌روەسا چه‌ندین ته‌وه‌رێن دی ده‌رباره‌ی بارودۆخێ دەڤەرێ ب گشتی و پرۆسه‌یا ئازادكرنا مووسڵێ ژ تیرۆریستان و په‌یوه‌ندیێن دناڤبەرا هه‌ولێر و به‌غدا و بڕیارا سه‌ركردایه‌تیا سیاسییا هه‌رێما كوردستانێ بۆ دیاریكردنا ڕۆژا ڕیفراندۆمێ گفتوگۆ ل له‌سه‌ر هاتەکرن.
