سەرۆکێ پارتا کۆماری داخوازا لێبۆرینێ ژ گەلێ کورد دکەت
ئۆزگور ئۆزەل سەرۆکێ گشتی یێ پارتا کۆماریا گەل د داخویانیەکێ دا راگەهاند ئاخڤتنا سەرۆکێ باژێرڤانیا ئەنقەرە بوویە ئەگەرێ نەرازیبوونا گەلەک کەسان و ئەز ب جهێ وی داخوازا لێبۆرینێ دکەم.
هەژی ئاماژەپێدانێ یە کو سەرۆکێ باژێرڤانیا ئەنقەرە یا سەر ب پارتا کۆماری ب ناڤێ مەنسور یاڤاش ژ بەر بلندکرنا ئالایێ کوردستانێ د ئاهەنگێن نەورۆزێ ل باژێرێن تورکیا و باکورێ کوردستانێ دا سڤکاتی ب ئالایێ کوردستانێ کربوو و دەم پارتی و پرانیا پارتێن دی یێن کوردی ژی نەرازیبوونا خوە ل هەمبەر وی دیار کربوون و داخواز کربوون کو ب فەرمی داخوازا لێبۆرینێ ژ گەلێ کورد بکەت.
چاڤدێرێن سیاسی دیار دکەن پشتی هەلوەستێ سەرۆکێ باژێرڤانیا ئەنقەرە گەلەک زەحمەتە ئێدی کورد ل باژێرێن مەزن یێن تورکیا ب تایبەتی ژی ل ئەنقەرە دەنگێ خوە بدەنە بەربژارێن پارتا کۆماریا گەل، چونکی کورد گەلەک ژ داخویانیا مەنسور یاڤاشی توورە نە.
