سەرۆکێ چینێ پەیامەکێ ئاراستەی جیهانێ دکەت
ئەڤرۆ نیوز:
شی جیگ پینگ سەرۆکێ چینێ پەیامەک ئاراستەکی سەرکردێن جیهانێ کر و راگەهاند کو دڤێت هەڤکاریەکا باش د ناڤبەرا هەموو جیهانێ دا هەبیت دا بشێن رێگریێ ل بەلاڤبوونا کۆرۆنایێ بکەن.
سەرۆکێ چینێ راگەهاند کو کۆرۆنا بوویە مەترسی بۆ هەموو جیهانێ و هەکە وەلاتێن جیهانێ هەڤکاریا هەڤدو بکەن و هەماهەنگیەکا باش د ناڤبەرا هەموو وەلاتان دا هەبیت دێ شێن رێگریێ ل بەلاڤبوونا کۆرۆنایێ بکەن.
ئەو یەک د دەمەکێ دایە کو ئەڤرۆ وەزیرێ دەرڤە یێ ئەمریکا وەلاتێ چینێ ب هندێ تومەتبار کر کو زانیاریێن راست و دروست ل دۆر رێگریکرن ل کۆرۆنایێ ئاشکرا ناکەت.