سەرۆکێ یانا دھۆک ئەگەرێ بەرھەڤنه‌بوونا تیمێ بۆ یاریا شورتە ئاشکرا کر
ئەڤرۆ:
سەرۆکێ یانا دھۆک ئەگەرێ نە چونا تیما تەپا پێ بۆ باژێرێ بەغدا بۆ ئەنجامدانا یاریا خوە یا گەرا دووماھیا خولا عیراقێ یا نایاب بەرامبەر یانا شورتە ئاشکرا کر ئەوا بریاربوو دوھی ل یاریگەھا شەعب ھاتبا کرن.
زێدەتر بژار ئیسماعیل د داخویانیەکێ دا بۆ رۆژناما ئەڤرۆ گۆت: کارگێریا یانێ بریار دایە پشکداریێ د یاریا گەرا دووماھیا خولا عیراقێ بەرامبەر یانا شورتە نەکەت ئەوا بریارا بوو دوھی ھاتبا کرن، ژبەرکو ئەنجامێ ڤێ یاریێ چو کارتێکرنێ ل ھەلویستێ تمیێ ناکەت و پێش وەخت یانێ دەربازبونا خوە مسوگەر کریە بۆ یاریێن قوناغا بھێت.
ناڤبری ئەگەرێ ڤێ بریارێ دیارکر کو یاریا خولا کوردستانێ بەرامبەر یانا نەوروز یا چارەنڤیسی یە، لەورا نەڤیا یاریکەرێن خوە ب وەستینین بەری ڤێ یاریێ ژ بەرکو نوکە تیم د ھەڤرکیا ب دەستڤە ئینانا ناسناڤێ خولا کوردستانێ دا یە.
ل دووماھیێ سەروکێ یانا دھۆک ل دۆر سزادا یانێ ژلایێ ئێکەتیا تەپا پێ یا عیراقێ ڤە گۆت: د رێنمایێن لژنا بەریکانان دا ل ئێکەتیا تەپا پێ عیراقێ دا دیارکریە ھەکە یانەک جارەکێ ب تنێ بەرھەڤی یاریا خوە نەبیت دێ ھێتە ھژمارتن خوسارەت ب سێ گۆلان بێ بەرامبەر ل گەل سزادانا وێ و ھەتا نوکە نزانینن چ سزایە.
