سەرۆک وەزیرێن ئسرائیلێ دێ چیتە ئەمریکا
بەرپرسەکێ وەزارەتا دەرڤە یا ئسرائیلێ دیار کر، سەرۆک وەزیر بنیامین نەتانیاهۆ ل دژی ڤێ یەکێ یە کو ترامپ ل گەل ئیرانێ دانوستاندنان بکەت، نەتانیاهۆ وەسا دبینیت کو ئیرانێ دڤێت جارەکا دی دەمی بۆ بەرژەوەندیێن خوە بکار بینیت هەتا بشێت ببیتە خوەدانا چەکێ ئەتۆمی و ژ بەر ڤێ یەکێ ژی نەتانیاهۆ دێ سەرەدانا ئەمریکا کەت.
هەمان بەرپرسی ئەو یەک ژی دیار کریە، نەتانیاهۆی دڤێت د سەرەدانا خوە یا بۆ ئەمریکا دا ترامپی رازی بکەت دا ل گەل ئیرانێ دانوستاندنان نەکەت و پێکڤە ئێرشی ئیرانێ بکەن.
ل ئالیێ دی دوهی فەرماندارەکێ ئەمریکا ژی بۆ رۆژناما واشنتۆن پۆست دیار کر، ئەمریکا دڤێت ئێرشی ئیرانێ بکەت و هەکە ئەمریکا کارەکێ وەسا بکەت ئێرش تنێ دێ ل سەر بەرنامێ ئەتۆمی نەبیت، دبیت هندەک جهێن دی ژی ببنە ئارمانجا ئێرشێن ئەمریکا و ئسرائیلێ.
