سەرۆک وەزیرێن بەرێ یێ پاکستانێ هاتە سزادان
دادگەها بلند یا پاکستانێ ب تومەتا ئاشکراکرنا نهێنیێن وەلاتی ژ ئالیێ عیمران خان سەرۆک وەزیرێن بەرێ یێ وی وەلاتی، سزایێ ١٠ سال زیندان ل سەر وی سەپاند و هەروەسا رێ بۆ وی ناهێتە دان ئێدی پشکداریێ د کاروبارێن سیاسی یێن وی وەلاتی دا بکەت.
بەرپرسەکێ وەزارەتا ناڤخوە یا پاکستانێ ژی دیار کریە، ب بەلگە هاتیە سەلماندن کو سەرۆک وەزیرێن بەرێ ل گەل وەزیرێ دەرڤە یێ بەرێ یێ پاکستانێ هندەک نهێنیێن وەلاتی ئاشکرا کرینە و ئەو یەک ژی تاوانەکا مەزنە و ژ بەر ڤێ یەکێ ژی ژ ئالیێ دادگەهێ ڤە سزایێ ١٠ سال زیندان ل سەر وی هاتیە سەپاندن، چونکی ل گۆر قانوونێن پاکستانێ یێن نهێنیێن وەلاتی ئاشکرا بکەت خیانەتکارە و دڤێت بگەهیتە سزایێ خوە، ژ بەر ڤێ یەکێ ژی سزادانا سەرۆک وەزیرێن بەرێ یێ پاکستانێ د جهێ خوە دایە.
