سەرۆک کۆمارێ ئیرانێ بەحسێ دو ڤایرۆسان دکەت
ئەڤرۆ نیوز:
حەسەن رۆحانی سەرۆک کۆمارێ ئیرانێ راگەهاند کو ل هەموو جیهانێ و ب تایبەتی ل ئورۆپا ئێک ڤایرۆس بەلاڤبوویە و ژیان راوەستاندیە لێ ل ئیرانێ دو ڤایرۆس هەنە.
سەرۆک کۆمارێ ئیرانێ راگەهاند کو ئێک ڤایرۆسێ کۆرۆنایە کو زیانەکا مەزن گەهاندیە ئیرانێ و ڤایرۆسێ دی ژی سزایێن ئابووری یێن ئەمریکا نە، ژ بەر هندێ ژی رەوش ل ئیرانێ ل گۆر وەلاتێن دی خرابترە، لێ گەلێ ئیرانێ خوراگرە و دێ شێت هەموو ئاستەنگیان دەرباز کەت.