سەرۆک کۆمارێ ئیرانێ دێ سەرەدانا عەرەبستانا سعوودیێ کەت
وەزارەتا دەرڤە یا ئیرانێ راگەهاند، حەفتیا بهێت ئیبراهیم رەئیسی سەرۆک کۆمارێ ئیرانێ ژ بۆ پشکداریکرن د کۆمبوونا هەڤکاریا وەلاتێن ئیسلامی دا دێ سەرەدانا عەرەبستانا سعوودی کەت و بریارە د چارچۆڤێ سەرەدانا خوە دا ل گەل بەرپرسێن هندەک ژ وەلاتێن عەرەبی و ئیسلامی ژی کۆمبیت.
چاڤدێرێن سیاسی ژی دیار دکەن، دەمەکە ئیران و عەرەبستانا سعوودی دخوازن پەیوەندیێن خوە باش بکەن، لێ بابەتێ رێککەفتنا عەرەبستانا سعوودی ل گەل ئسرائیلێ ببوو ئاریشەکا گەلەک مەزن، چونکی بەرپرسێن ئیرانێ بەری نها دیار کربوون هەر رێککەفتنەک د ناڤبەرا سعوودیێ و ئسرائیلێ دا بهێتە کرن دێ بیتە ئەگەرێ هندێ خەلکێ فەلەستینێ ببنە قوربانی، ژ بەر ڤێ یەکێ ژی ئیرانێ هەر زوو نەرازیبوونا خوە ل هەمبەر وێ رێککەفتنێ دیار کربوو و پشتی شەرێ د ناڤبەرا حەماس و ئسرائیلێ دا ژی، عەرەبستانا سعوودی دیار کر وان دانوستاندنێن ژ بۆ رێککەفتنا ئاشتیێ ل گەل ئسرائیلێ داینە راگرتن.
