سەرێ دانعەمران بێ بەرامبەر دتراشیت
ئەڤرۆ، محەمەد عەلی نوری:
گەنجەکێ خەلکێ دھۆکێ ب ناڤێ (وەلید عادل) کو ئەڤە نێزیکی دەە سالە کارێ سەرتراشیێ دکەت، د دیدارەکێ دا بۆ ئەڤرۆ دیارکر کو ھەرحەفتیێ رۆژەکێ ئەو دچیتە مالا دانعەمران و کەسێن ل وێرێ دژین سەرێ وان بێ بەرامبەر دتراشیت.
ناڤھاتی گۆت: دژیەکێ بچووکدا من حەزا سەرتراشیێ ھەبوو، لەورا مالا من پشتەڤانیا من کرن و نێزیکی دەە سالانە ڤی کاری دکەم و گەلەک جاران وەک خۆبەخش من کارکریە، ھەروەسا پشکداری د چەندین پرۆژێن خێرخوازی ژی دا کریە، ژوانا ھەر ژ رۆژا ڤەکرنا مالا دانعەمران ل دھۆکێ حەفتیێ رۆژەکێ ئەز و ستافێ خوە دچینە وی جھی و سەرێ وان بێ بەرامبەر د تراشین و ئەز ڤێ چەندێ ب خزمەتەکا بچووک بۆ وان دزانم، چنکو ھەموو دەمان مرۆڤێن دانعەمر تاجا سەرێ مەنە.
