سەرێ سالێ دێ ل کيرێ بن؟
ئەڤرۆ نیوز:
ب ھاتنا جەژنا نەورۆزێ و سەرێ سالا کوردی ژڤانە چەندین ھونەرمەندێن کورد ل سەرانسەری جیھانێ پشکداری ئاھەنگێن نەورۆزێ ببن.
ھونەرمەند (ئسماعیل جومعە و سەلام نھێلی) ل گەل ھونەرمەند(ئازاد شەمسەدین) لێدەرێ ئورگێ، ژڤانە ل رۆژێن نەورۆزێ چەندین ئاھەنگێن خێزانی ل وەلاتێ ئەمریکان ئەنجام بدەن و پێشتر ژی چەندین ئاھەنگ ئەنجام دابوون.
دیسا ژڤانە ھونەرمەندان(شڤان پەروەر و کاروان کامل) ل وەلاتێ ئەلمانیا ب ھەمان ھەلکەفت چەند ئاھەنگێن خێزانی ئەنجام بدەن و ھونەرمەند (مێھڤان) لێدەرێ ئامیرێ(قانوونێ) ل گەل دایە.
ھەر ب ھەلکەفتا جەژنا نەورۆزێ ژڤانە ل وەلاتێ کەنەدا ھونەرمەندا(حەسەن شەریف) و ھونەرمەند( رێکێش سەیرانی) ئاھەنگێن خێزانی ئەنجام بدەن.
دیسا ژڤانە ب ھەمان ھەلکەفت ھونەرمەند(نوشدار محەمەد تاھر) ل ئێڤارا رۆژا نەورۆزێ ئاھەنگەکا خێزانی ل وەلاتێ ئەلمانیا و باژێرێ (ھانوڤەر)بگێریت.
دیسا ژڤانە ھونەرمەند (نازدار جزیری) (رونی جزراوی) ل وەلاتێ ئەلمانیا و ب ھەلکەفتا جەژنا نەورۆزێ ئاھەنگەکا خێزانی ساز بکەن.
