سەرێ لیستا تێنسزانێن جیهانێ وەرگرت
ئەڤرۆ نیۆز،زنار تۆڤی:
رافائیل نادالێ ئیسپانی خوە گەهاندە قۆناغا سییێ یا قارەمانیا تێنسا سێنسێناتی ل ئەمریکا،پشتی کو ژ ریچارد گاسکێی فرەنسی بری ب دو کۆمەلێن پاقژ،نادالی ب سەرکەفتنا هەردو یاریێن قۆناغا ئێکێ و دویێ یێن وێ قارەمانیێ،زێدەتر ژ 200 خالان ب دەستڤە ئینان،لەورا ب برنا وان خالان نوکە خالێن وی پترن ژ 6700 خالا و هەروەسا 600 خال ژ ئاندی مورایێ پێشەنگ بوراندینە،ژبەرکو مورای پشکداری دڤێ قارەمانیێ دا نەکریە.
هەروەسا ل دوشەمبا بهێت لیستا نوو یا ریزبەندیا تێنسزانێن جیهانێ دێ هێتە بەلاڤکرن،هەر چەندە نوکە نادال پێشەنگە، بەلێ ل وی دەمی ب فەرمی نادال دێ سەرێ لیستا تێنسزانێن جیهانێ گریتە دەست،پشتی کو بۆ ماوێ سێ سال و هەیڤەک بوو ژ دەستدای.
