سەعید روحانی: من گرنگی ب سترانێن دەواتان نەدایە
هەرهین
سەعید روحانی، سترانبێژێ رۆژهەلاتێ کودستانێ د دیدارەکێ دا بۆ بەرپەرێ هونەری یێ رۆژناما ئەڤرۆ گۆت: گەلەک مە گوهداریا گەلەک سترانان کریە ژبەرکرینە و گەلەک سترانبێژێن ناڤدار ل دەڤەرا مە هەنە وەکو موسەیەب و مەناڤ و حەمزە و نوکە د بەردەوامن ل سەر کارێ ستران گۆتنێ و د مەلەڤانن دستران گۆتنێ دا و من سترانێن دەواتان ژی گۆتینە، بەلێ من گەلەک گرنگی پێنەدا و دەوات ل دەڤ مە ژی رۆژەکە، بەلێ هەکە دەوات ژ جهەکی بۆ جهەکێ دبیت دبنە دو رۆژ ل شەهیانا خوە ژی من ستران گۆتینە و ل دەڤ مە ژی نەریتێ نەختی نەمایە، بەلێ دەڤ مە باب سەر کیستێ خوە دیاریەکێ وەک پارچەکا زێری بۆ کچا خوە یا بویک دکریت و هەروەسا زاڤا ژی دکریت و بارێ ئێک و دو گران ناکەن .
رۆحانی هێشتا گۆت ژی: ل دەڤەرێن مە دو ژنی یا هەی و پتریا وان ئەو کەسێن دەولەمەند دکەنە دو ژن و من بخوە چ جاران ل بەر نینە بکەمە دو ژن هەکە دەولەمەند ژی بم و نوکە دمالا مەدا بتنێ ئەز سترانا دبێژم و کورێن من ئەڤ رێبازە نەگرتیە.
