سەفین كانەبی پۆستەکێ بلند د كۆنیڤا یێ دا وەرگرت
ئەڤرۆ نیۆز ، زنار تۆڤی:
سەفین كانەبی سەرۆكێ فیدراسیۆنا تەپاپێ یا کوردستانێ ئاشكرا كر،کو بۆ دو سالێن دیتر وەك ئەندامێ تەنفیزی یێ ئێکەتیا تەپا پێ یا هەرێمان (كۆنیڤا) یێ هاتە هەلبژارتن.
سەفین كانەبی ل سەر تۆرا جڤاکی یا فەیسبووكی دا بەلاڤە كریە:کو ئەڤرۆ شەمبیێ د كۆمبوونا سالانە یا كۆنیڤایێ ل هەرێما قوبرسا توركیا ب زۆرینەیا دەنگان بۆ دو سالێن دیتر وەك ئەندامێ تەنفیزی یێ وێ ئێکەتیێ هاتە هەلبژارتن.
هەژی گوتنێ یە کو سەفین كانەبی سەرۆكێ فیدراسیۆنا تەپا پێ یا كوردستانێ ئەڤە سێیەم جارە پۆستێ ئەندامێ تەنفیزی یێ كۆنیڤایێ وەردگریت،کو تایبەتە ب ئێکەتیا تەپا پێ یا وان هەرێمان ڤە یێن کو هەتا نوکە سەربەخۆیا خۆ ب دەستڤە نە ئیناین و نە بووینە دەولەت.
