“سەلاجە”ل سه‌ر ئاواران هاتنە بەلاڤکرن
ئه‌ڤرۆ نیۆز،زنار تۆڤی:
سالم سه‌عید به‌رپرسێ راگه‌هاندن و په‌یوه‌ندیێن رێڤه‌به‌ریا جێبەجێكار یێ بۆردێ كارۆبارێن مرۆڤایه‌تی ل پارێزگه‌ها دهۆكێ بۆ ئەڤرۆ نیۆز دیاركر کو رێكخراوا پی ده‌بلیۆ جه‌ی یا ژاپۆنی ب هه‌ڤكاری ل گه‌ل رێڤه‌به‌ریا جێبەجێكار یێ بۆردێ كارۆبارێن مرۆڤایه‌تی ل پارێزگه‌ها دهۆكێ “سەلاجە”ل سه‌ر ئاواره‌یێن كه‌مپا نێركز پارڤه‌كرن.
به‌رپرسێ راگه‌هاندن و په‌یوه‌ندیێن رێڤه‌به‌ریا جێبه‌جێكار یێ بۆردێ كارۆبارێن مرۆڤایه‌تی ل پارێزگه‌ها دهۆكێ گۆت ژی: ژبەر زۆربەیا ئاواران ل توخیبێ پارێزگه‌ها دهۆكێ و دابینکرنا پێدڤیێن ژیانا رۆژانه ل ڤی ده‌مێ سالێ دا كو ئه‌و ژی “سەلاجە” نە،هەروەسا به‌ری نوکە به‌فر ل سه‌ر دهاته دابه‌شكرن،لێ ب وی ئه‌گه‌ری چه‌ندین نه‌خۆشی و ئاریشه‌یێن ساخله‌میێ درۆست بوون،له‌ورا مه ب پێدڤی زانی به‌فرگران”سەلاجە”یان ل سه‌ر ئاواران پارڤه بكه‌ین كو مه ژ كه‌مپا نێرگز ده‌ستپێكریە و ل سه‌ر ته‌ڤایا ئاكنجیێن ئه‌وێ كه‌مپێ هاتنه پارڤه‌كرن.
سالم سه‌عید گۆت ژی ل هه‌ر وه‌رزه‌كێ پێدڤیێن ئه‌وی وه‌رزی بۆ ئاواران دهێنه دابینكرن و بێ گیرۆبوون،لێ نوکە پێله‌یه‌كا مه‌زنا گه‌رمایه‌تیێ ژ هه‌رێما كوردستانێ ڤه‌گرتی یه و ب كار ئینانا قالبێن به‌فرێ كاریگه‌ریێ ل سه‌ر ساخله‌میان وان دكر،لەورا ل كه‌مپا نێرگز یا ئاواره‌یێن مووسلێ به‌فرگر”سەلاجە” ل سه‌ر 637 خێزانێن ئاكنجیێن وێ كه‌مپێ هاتنە دابەشکرن،ل قۆناغا ئێكێ دێ هه‌موو خێزانێن كه‌مپان ل هه‌موو جهان مفادار بن ژڤێ هاریكاریێ.
