سەلاح ئیبراهیم: ئەم دێ هەڤڕكیێ بۆ ناسناڤێن خول و كۆپا كوردستانێ كەین
رەمەزان زەكەریا
د داخوایانیەكێ دا سەرۆكێ یانەیا ئاكرێ یا وەرزشی ئاشكراكر ئاستێ تیما وان یا فوتبۆلێ هەتا سێ یاریێن دەستپێكێ د خولا نایابا كوردستانێ دا یا باشە و كاروانێ خولێ درێژە لێ ب هیڤی نە ب گەهینە ئارمانجا خوە ژبەركو پشكدرییا مە بۆ هەڤڕكییا ناسناڤێ خول و كۆپا كوردستانێ نە و دێ بەردەوام پشتەڤانییا تیما خوە كەین
زێدەتر سەلاح ئیبراهیم بۆ رۆژنامەیا ئەڤرۆ گۆت: پشتی بۆرینا سێ گەڕان ژ خولێ تیما مە ل رێزا سێ یێ دهێت لەوما ژی وەكو كارگێرێ ل دووڤ خواستامەیە و زۆر باشە، سێ یاری هاتینە ئەنجام دان ل دو یاریان وەكهەڤ بووینە و یارییەكێ ب سەركەفتی نە،ژبەركو كاروانێ خولێ یێ درێژە و هێش ئەم دەستپێكێ نە وەكو ئاست مە باوەری ب شیانێن یاریزانێن خوە هەیە دێ ئارمانجا مە یا وەرزشێ ئەڤ سالە بجهئینن و سرۆشتییە ل دووڤ پلانا مە بێژن پشكدارییا مە بۆ ناسناڤێ خولا نایابا كوردستانێ و كۆپا كوردستانێ یانا مە دێ هەڤڕكیێ ل سەر ناسناڤان كەت، هیڤیێن دەستەیا كارگێریێ و هەروەسا پشتەڤان ئەوە د هەموو یاریان دا ئەنجام دباش بن و یاریزان دناڤ یاریگەهێ دا شەڕی بۆ سێ خالێن یاریێ بكەن.
ل دووماهیێ سەلاح ئیبراهیم گۆت: كاروبارێن مە ب شێوەیەكێ جوان یێن بڕێڤە دچن و هەتا ڤی دەمی چ ئاریشەیەكا وەسا نینە كو یانەیا ئاكرێ نەشێتن چالاكیێن خو ئەنجام بدەت و هەموو بزاڤێن مە ئەون بلندكرنا ناڤ و وەرزشا ئاكرێ یە.
