سەلاح رێكانێ چ هیڤی بۆ رۆژا جیهانی یا شانۆیێ هەنە؟
شاكر ئەتروشی:
سەلاح رێكانی، هونەرمەندێ دیارێ پارێزگەها دهۆكێ، كو بەری چەند رۆژان وەك سەرپەرشتێ پــــــــەروەردێ هــــــــــــــــــاتیە خانەنیشكرن، د دیدارەكێ دا بۆ رۆژنامەیا ئەڤرۆ گۆت: هەلبەت خانەنشیكرن چو كارتێكرنێ ل كارێ من یێ هونەری ناكەت، بەلكو بەرۆڤاژی دێ پتر دەلیڤێ دەتە من كو یێ بەردەوام دكارێ خوە یێ هونەری دا، چنكو ژیان یا بەردەوامە و هندی ئەم ژی دڤێ ژیانێ دا بمینین دێ خزمەتەكێ كەین.
شێوەكار و شانۆڤان (سەلاح رێكانی) گۆت: نوكە ئەز مژوولی دو كارامە ، یا ئێكێ من سێ كەڤالێن نوو چێكرینە و من ل بەرە بكەمە بیست هەتا سیه كەڤال پاشی دێ هزرێ ل ڤەكرنا پێشانگەهەكا تایبەت كەم و هیڤیا من ئەوە پێشانگەهەكا جیواز بیت، كارێ دویێ ژی ئەو پەرتووكا پتری دەه سالان من كار تێدا دكر ب ناڤێ (رێ نیشاندەرێ تە بۆ هونەرێ شانۆیێ) ب دووماهی هاتیە و گەهشتیە بەردەستێن بەرێز (د.عەلی تەتەر) دا پشتەڤانیێ ل چاپكرنا وێ بكەت و هیڤی خوازم هەتا بیست و حەفتی هەیڤێ بهێتە چاپكرن، دا ل رۆژا جیهانیا شانۆیێ بەلاڤ بكەم و ئەڤ پەرتووكە دێ بیتە ژێدەرەكێ گرنگ بۆ هەموو قوتابی و ماموستایێن پەیمانگەها هونەرێن جوان و كولیژا هونەرێن جوان، هەروەسا هەموو شانۆڤانان ژی، بۆ زانین پەرتووك (780) بەرپەرە و ژ سالا (2010) وەرە پێڤە مژوولم، 80% ژ نڤیسینا منە و 20% وەرگێڕانە، هەروەسا دەمەك بوو مژوولی نڤیسیا سیناریۆیا زنجیرە درامایەكا نەتەوەی مە كو ژ (30) خەلەكان پێك دهێت، لێ مخابن هەتا نوكە چو كەنالێن مە خوە ل بەرهەمئینانل وێ نەكریە خودان كو مەزاختیێ زنجیرێ دێ ژ دناڤبەرا دەه هەتا پازدە دەفتەرێن دۆلاری بیت و كەنال ژی هەبووینە دبەرهەڤ بوون دوجاران هەتا سێ جاران وی پارەی ب مەزێخن، لێ مە نە ڤیایە ئەو چێكەن.
