سەلام عەلی: ئەرکێ راھێنەراتیا ھەلبژارتیێ کوردستانێ شانازیە
زاخۆ،عەلی حاجی :
د داخویانیەکێ دا کوڕێ باژێرێ زاخۆ و راھێنەرێ یاریا تایکۆاندویێ بۆ ئاستێ پشکۆژان دیارکر کو ئەرکێ وەرگرتنا راھێنەراتیا ھەلبژارتیێ کوردستانێ شانازیە و ئارمانجا وی دروستکرنا یاریزانێن پشکۆژ بشێوێ ئەکادیمی و زانستی و بدەستڤەئینانا ئەنجامان.
زێدەتر سەلام عەلی گۆت: ل وەرزێن بوری ب یاریزانێن پشکۆژ و تازەپێگەھشتی شیابووین لسەر ئاستێ قارەمانیێن عیراقێ و کوردستانێ ئەنجامێن مەزن بدەستخوەڤە بینین و ئاستێن بھێز نیشانبدەین لەورا بوو ئەگەر وەکو راھێنەرێ ئاستێ پشکوژێن ھەلبژارتیێ کوردستانێ بھێنە دەستنیشانکرن، ئەرکێ من زەحمەتر لێھاتیە و دێ بزاڤێ کەم تیمەکا ب ھێز و رێکخستی بەرھەڤبکەم بۆ ھەر قارەمانیەکا پشکدار بین و ئارمانجا مەژی بلندکرنا ئالایێ کوردستانێ بۆ ھەلکەفتێن داھاتی و دیسان ئەرکێ دوێ بەرھەڤکرنا کۆمەکا باش یا یاریزانان بۆ پاشەرۆژێ و خودان شیان ل ھەرێما کوردستانێ.
ل دووماھیێ ناڤھاتی گۆت: ئەو باوەریا نوینەراتیا دھۆک یا لژنا ئۆلۆمپیا کوردستانێ و راھێنەرێن زاخۆ داینە من دێ پالدەرەکێ بەرچاڤ بیت کو بشێم کارەکێ باشتر ئەنجامبدەم و خزمەتا وەلاتێ خوە و ھەلبژارتیێ کوردستانێ بکەم بۆ دەستکەفتێن دیروکی .
