سەلام عەلی: فوتبۆلێ کارتێکرن ل سەر یارییا مە کرییە
عائیشا عەجیب
دیدارەکا کورت دا سەلام عەلی ڕاھێنەرێ تیما تایکواندۆیا یانەیا زاخۆ بۆ ڕۆژنامەیا ئەڤرۆ بەحسێ بەرھەڤییێن تیما وان یا تایکواندۆیێ بۆ خۆلا ئێراقێ و دەرڤە بۆ سالا ٢٠٢٦ێ کر و گۆت: د نوکەدا ئەم وەکۆ یانە بەردەوام ڕاھێنان ب یاریزانێن خوە دکەین، پشتی ئەزموونێن نیڤا سالێ دێ وەرزێ نوو دەستپێکەت.
ناڤھاتی گۆت ژی: ئەم بەردەوام خولا ل وەرزێن زڤستان و ھاڤینێ ڤەدکەین، لێ ژ بەر دەواما قوتابخانان خۆلێن مە کێم بووینە، ھەروەسا مە یاریزان ھەیە قارەمانییا ئاسیایە، ل گەل ھەلبژارتییێ ئێراقێ، پشکداری قارەمانییا ژ دەرڤە کری، ڤێتنام، ئەندونیسیا، مالیزیا، ئوردون، لوبنان و ھەروەسا ٢٠٢٣ پشکداری قارەمانییا جیھانێ ژی کریە ل گەل ھەلبژارتییێ ئێراقێ ل بۆلگاریا.
ناڤھاتی ئاشکرا ژی کر: فوتبۆلێ زیانەکا مەزن گەھاندییە تایکواندۆیێ، وەکۆ پێدڤی ھێدی پشتەڤانییا یانەیێ و یاریزانان مە ناھێتە کرن، سەڕەرای نە بوونا داھاتەکێ باش ژی کارتێکرن ل یانە و یاریزانان کریە، لەوڕا ژ نەچاری ژ داھاتێ خۆ بۆ یاریزانان پێدڤییێن وان دابین دکەین.
سەلام عەلی ئاشکرا ژی کر: بەری یاریا فوتبۆلێ گرنگییەکا زێدە ب تایکواندۆیێ، کیک بۆسینگێ و ھەر چ یاریا ھەی دھاتە کرن، لێ د ڤان سالێن دووماھییێ دا فوتبۆل زیانەکا زێدە ل یانەیا مە کرییە و ئاستێ یاریزانێن مە بەرزەبوویە، بەردەوام چاڤدێری ل یانەیا مە ھەبوو لێ نوکە نەمایە، ژ بەر ڤی ئەگەر نە چاربوویمە ھندەک یاریزانێن خۆ بۆ هندەک یانەیێن دی فرێکەین.
