سەمیر عەبدولقادر: بۆ قۆناغا دویێ دێ گوهۆڕین هەبن
رەمەزان زەكەریا
د داخویانیەكێدا سەرۆكێ یانەیا بەردەڕەش یا وەرزشی ئاشكراكر سەرەرای هەموو ئاستەنگا ژلایێ ئابووری ڤە شیا قۆناغا ئێكێ ل خولا پلە دوا كوردستانێ ب سەركەفتنیا دەرباز بین و بگەهیت قۆناغا دویێ هەرچەندە خەرجیەكا زۆر هاتە كرن ل یانەیێ هەتا شیای ڤان ئەنجاما ب دەستڤەبینیت.
زێدەتر سەمیر عەبدولقادر بۆ ئەڤرۆ گۆت: بۆ قۆناغا دویێ ل خولا پلە دوا كوردستانێ دێ هندەك گوهۆڕینا ل پێكهاتەیا تیمێ ئەنجامدەت لێ ب كێمی ل سەر ئاستێ نافخۆیی هەتا دو یاریزانا بریارە بهێنە ناڤ رێزێن تیما مەدا.
ناڤبری خویاكر: قۆناغا دویێ بیست یانە دێ پشكدار بن ب سەر دو كۆمان هێنە بەلاڤكرن هەر كۆمەكێ یانەیەك دێ سەركەڤیت بۆ پلە ئێك ل هەموو سنورێ پارێزگەها دهۆك ب تنێ ئێك یانە دێ دەربازبیت نوكە ئاستێ تیما مە گەلەك یا باشە هەڤركا سەرەكیا گروپێ سنوورێ پارێزگەها دهۆكە بۆ گەهشتن ب پلە ئێك.
سەمیر عەبدولخالق: ئاریشا سەرەكیا هەمبەر یانەیێ خرابیا رەوشا ئابووریە هەردەمێ رەوشا یانەیێ باشتر بوو دێ ئاستەكێ باشتر پێشكەش كەین ل هەر خولەكا پشكدار بین، هەتا رادەیەكێ ل ئاستێ یاریزانا رازینە بەلێ پێدڤی ب ئاستەكێ باشتر هەیە.
