سەنتۆر بۆ وێ بوویە هەڤالەكا نێزیك
سولین سلێمان:
ژەنیارا ئامیرێ سەنتۆرێ (كاملینا) كو خەلكا باژێرێ سنەیە ل رۆژهەلاتێ كوردستانێ و دەرچۆیا پەیمانگەها هونەرێن جوانە ل پارێزگەها سلێمانیێ، د دیدارەكێ دا بۆ رۆژناما ئەڤرۆ گۆت: بەری دەه سالان من دەست ب ژەنینا (سەنتۆرێ) كریە هەتا نوكە پشكداری د گەلەك ئاهەنگ و كلیپ و كۆرێن هەلبەستخواندنێ دا كریە و سەنتۆر بۆ من بوویە هەڤالەكا گەلەكا نێزیك و دشێم هەموو جۆرێن مۆزیكێ پێ بژەنم.
هەروەسا گۆت: مە گەلەك كچێن زیرەك دبۆارێ مۆزیكێ دا هەنە هەكە پشتەڤانیا وان بهێتە كرن و جهەكێ تایبەت بۆ بهێتە ڤەكرن دێ شێن ل وێرێ كۆمڤەبن و مفای ژ شیانێن هەڤدۆ بینن و ب وی رەنگێ دێ مە ژەنیارێن باشتر هەبن، لەورا پێدڤیە جهێن شۆلەژی ب رژدی ل سەر ڤێ چەندێ كاربكەن.
