سەنتەرێ چارەسەرییا سروشتی ل زاخۆ هاتە ڤەكرن
زاخۆ، دلۆڤان هالۆ:
حاجی باوەر، بەرپرسێ سەنتەرێ ژین یێ چارەسەرییا سروشتی ل زاخۆ بۆ ڕۆژناما ئەڤرۆ دیار كر كو بۆ ئێكەم جارە سەنتەرێ ژین یێ چارەسەریا سروشتی ل سنوورێ ئیدارەیا سەربخوە یا زاخۆ بهێتە ڤەكرن، پێشتر چ سەنتەرێن ب ڤی شێوەیی ل زاخۆ نەبوون و خەلك نەچار دبوو ژ بۆ چارەسەریا سروشتی قەستا ژ دەرڤەی زاخۆ بكەن.
بەرپڕسێ سەنتەرێ ژین یێ چارەسەرییا سروشتی ل زاخۆ گۆت: «سەنتەرێ مە ژ 10 پشكان پێك دهێت و خودان ستافەكێ شارەزا و بسپۆرە، ڕۆژانە شیانێن چارەسەرییا 50 نەخوەشان هەنە، ئارمانجا مە ژ ڤەكرنا ڤی سەنتەری ئەوە ئێدی نەخوەش پێدڤی ب چارەسەرییا سروشتی ژ دەرڤەی زاخۆ نە بن و ل دەڤ مە چارەسەرییا خوە بكەن».
