سەیف اللە دەست ژ سترانێن ئایینی بەردا
زاخۆ، عەلی حاجی:
ھونەرمەندێ باکورێ کوردستانێ سەیف اللە ئالتونتوب ئەڤە بۆ ماوەیەکە باکورێ کوردستانێ بجە ھێلایە و نوکە ل باژێرێ زاخۆ ئاکنجی بوویە ، د دیارەکێ دا بۆ ئەڤرۆ نیوز گۆت: من بەری نوکە ٣٧ سترانێن ئایینی ھەبوون و من ناڤ و دەنگیەکا باش ژی ھەبو لێ دگوتنا سترانێن ئایینی دا دەما کو ئەز ل باکورێ کوردستانێ مە ژبو خودێ ئەڤ سترانە د گۆتن لێ گەلەک کەسان ئاینێ ئسلامێ بو مەرامێن خوەیێن تایبەت ب کار دئینان ، من دخاست ئەز خودان ھەلویست بم بەرامبەر ھوڤاتیا کارێن داعشا و حەشدا شەعبی و دوژمنێن کورد بەلێ ئەو کەسێن بناڤ ئایینی دکەن ئەز ب بێ دین قەلەم دام و منژی ھزر کر مادەم ب ڤی رەنگی یە ژ ئیرو پێڤە دێ باشتر خزمەتا خەلکێ خوە کەم ب سترانێن نەتەوەی و نیشتیمانی چونکی ئەڤە دەرفەتەک باشبوو بۆ ب شێوازەکێ جوداتر خزمەتا خەلکی بکەم .
سەیف اللە زێدەتر گۆت: ل بەرنامێ من دایە ب رەنگەکێ جودا و ب شێوازەکێ جودا ل سالا ٢٠١٩دا بەرھەمێ خوەیێ نوو بەلاڤ بکەم و بەرھەمێ من ژ ١٢ سترانان پێک دھێت کو ل نوکە دا کارێ بەرھەمێ ژ تومارکرنێ خلاس بویە ، ھەر دیسان ژی من ٥ ستران ل تورکیا تومار کرینە و ٧ ستران ژی من ل زاخۆ تومار کرینە و ل بەرھەمێ من یێ نوو دا من سترانەکا تایبەت ب سەرۆک بارزانی گۆتیە کو سترانەکا تایبەتە و پرانیا سترانێن من نیشتیمانی نە و ٣ ستران ژ وی بەرھەمی ژی ئەڤینی نە و دێ ٤ سترانان ژبەرھەمێ خوەیێ نوو کلیپ کەم .
ناڤبری گوت : پێدڤی یە جھێن پەیوەندیدار ھاریکاریا من بکەن داکو بشێم ب رێکا ھونەرێ خوە زێدەتر خزمەتا گەل و وەلاتێ خوە بکەم چونکی نھا ئەز ل زاخۆ دژیم و من پێتڤی ب ھاریکاریێ ھەیە.
