شارەزایەكێ وەرزشی: ئاستێ گۆلپارێزان بەر ب لاوازیێ ڤە دچیت
قەیس وەیس:
شارەزا و راهێنەرێ بەرنیاس یێ گۆلپارێزان ئیبراهیم سالم نەرازیبوونا خوە بەرانبەری ئاستێ لاواز یێ گۆلپارێزێن پشكدار د خولا پلا نایابا ئیراقێ یا تەپا پێی دا دیاركر و ئەڤچەندە ب زەحمەت كەتیە كو بشێن باشترین گۆلپارێزەكی دەست نیشان بكەن.
هەروەسان ناڤهاتی بۆ ئاژانسا ina گۆت: ئاریشەیا مەزن ئەوا ئەم وەكو راهێنەرێن تایبەتمەند و شارەزا بۆ پرۆسەیا ژێگرتنا باشترین گۆلپارێزێ وەرزێ ئەڤ سالە ئەوە هەتا نوكە چو گۆلپارێزێن خودان شیان بەرچاڤ نە كەفتینە كو بشێن گوهۆڕینێ دگەل تیما خوە پەیدابكەن، لەوما ژبەركو بتنێ شەش گەڕ ژ خولا پلا نایاب ماینە و ل دووڤ ئامارێن بەردەستێ مە دێ بزەحمەت بیت باشترین گۆلپارێز بۆ وەرزێ 2022-2023 بهێتە دەست نیشانكرن ژبەر كو پرانیا وان خەلەتیێن كۆژەك دگەل تیما خوە كرینە و چو گۆلپارێز نەبووینە خالا سەركەفتنێ ئەو ڤێ چەندێ دیار دكەت ئاستێ وان بەر ب لاوازیێ چوویە و دیارە ژی ئاستێ خوە پێش نائێخن.
هەروەسان گۆت: بۆ شەش گەڕێن مایێن یێن خولێ هەر گۆلپارێزەك دڤێت بخوە ب دەلیڤە بینت و ئاستێ خوە پێشبێخیت، هەكە ل دووڤ ئەڤان ئاماران بن ئەم دێ نەچار بین سەحكەینە شێوازێ كلین شێت ئانكۆ تۆرا خوە ب گۆلان پاراستی ژبۆ دیاركرنا باشترینێ وەرزێ ئەڤ سالە.
