شارەزایەک: کوشتنا جەمال خاشقچی کاریگەریێن مەزن ل سەر پەیوەندیێن سعودى و ئەمریکا نابن
ئەڤرۆنیۆز، قائید میرۆ:
پشتی کوشتنا رۆژنامەڤانێ ناڤو دەنگێ سعودی جەمال خاشقچی ل وەلاتێ تورکیا پەیوەندیێن ناڤبەرا سعودیا و ئەمریکا گۆھۆڕین بسەردا ھاتینە و سەرۆکێ ئەمریکاژی داخوازا ڤەکۆلینێن بلەز دکەت لدۆر کوشتنا خاشقچی شارەزایەکێ سیاسەتا ئەمریکاژی دبێژیت، پەیوەندیێن سعودیا و ئەمریکا زۆر ب ھێزن و روودانا کوشتنا خاشقچی کاریگەریێن وەسا نابن.
کارۆخ خۆشناو، شارەزایێ سیاسەتا ئەمریکا بۆ ئەڤرۆ نیۆز گۆت” ئەمریکا و سعودیا دو وەلاتێن ھەڤپەیمانێن مەزنن، راستە جەمال خاشقچی ل ئەمریکا ئاکنجیە و رۆژنامەڤان بوویە ل رۆژنامێن ئەمریکی کارکریە، بەلێ دوماھیێ خاشقچی وەلاتیێ رەسەنێ ئەمریکا نینە وەک ترەمپ ئاماژە بڤێ چەندێ دکەت، ھەگەر بێت و بابەتێ کوشتنا خاشقچی لسەر ریاز بھێتە پشتڕاستکرن دێ بشێوەیەکێ دی سزایێ ئەمریکا بدەین، واتە ئەڤێ روویدانێ پەیوەندی لسەر رێکەفتن و بوندێن ناڤبەرا ھەردو وەلاتان نابیت، ھەلویستێن ئیدارەیا ترەمپ زێدەتر بۆڤێ چەندێ ڤەدگەڕیت، ھژمارەک سیناتا گڤاشتن کرینە سەر وەلاتێ خوە یێ بێدەنگ نەبیت لھەمبەر کوشتنا جەمال خاشقچی.
ئەڤی شارەزایێ سیاسەتا ئەمریکا دیارکر” ھەتا نوکە چەندین سیناریۆ دھێنە بەلافکرن، ھەر ئێک ژوان بشێوەیەکی بەحس دکەت، بەلێ ھەر چاوابیت ئەز نابینم چو کاریگەریێن وەسا لسەر پەیوەندیێن ئەمریکا و سعودیا ھەبیت، ھەتا دگەل وەلاتێن رۆژئاڤاژی کاریگەری نابن، بەلێ ناھێتە ڤەشارتن دێ لاپەڕەیەکێ رەش کەڤیتە ناڤا دیرۆکا سعودیا، لێ پەیوەندیێن ئەمریکا و سعودیا زێدەتر ئابورینە و کومەکا بەرژەوەندیان کۆمکرینە.
کارۆخ خۆشناو ئاماژەکر” پشتی دەست بکاربوونێ ترەمپ ئێکەم وەلات سەرەدانا سعودیێ کر و گوت نابیت ئەمریکا ئەڤی کڕیارێ ب دۆھن یێ کڕینا چەکی ئەمریکا ل دەستێ خوە بکەت و بەرۆڤاژی ئەمریکا ڤێ راستیێ باش فام دکەت ھەگەر چەکی نەفرۆشیت سعودیا ئەڤە دێ چین و رۆسیا مفاداربن.