شاندێ رێڤەبەریا خوەسەر دوهی چوو شامێ
دوهی شاندێ رێڤەبەریا خوەسەر یا رۆژئاڤایێ کوردستانێ ژ بۆ دانوستاندنان ل دۆر بجهئینانا رێککەفتنا بەری نها یا د ناڤبەرا ئەحمەد شەرع و مەزلوم عەبدی دا چوو شامێ و بریارە ل دۆر چاوانیا بجهکرنا رێککەفتنێ ل گەل بەرپرسێن شامێ دانوستاندنان بکەن.
ئەندامەکێ شاندێ بۆ دەزگەهێن راگەهاندنا نێزیکی رێڤەبەریا خوەسەر دیار کر، ئەڤ شاندە نە شاندێ هەڤپشک یێ کوردی یە، چونکی ل هندەک دەزگەهێن راگەهاندنێ وەسا هاتیە دیار کرن لێ وەسا نینە، شاندێ مە شاندەکێ رێڤەبەریا خوەسەرە و ئەم دێ تنێ سەبارەت ب چاوانیا رێککەفتنا بەری نها یا د ناڤبەرا سەرۆک کۆمارێ سووریێ و فەرماندارێ گشتی یێ هەسەدێ دا دانوستاندنان کەین و پرانیا دانوستاندنان ژی گرێدای بابەتێن ئێمناهیێ نە و بابەتێن دی یێن سیاسی بێگومان ئەو ئەرکێ شاندێ هەڤپشک یێ کوردی یە و دێ پاشی ئەو شاندە ژی سەرەدانا شامێ کەت و ئەو ب هیڤی نە هەموو پرسێن هەی ل گەل شامێ بهێنە چارەسەرکرن.
